አማኑኤላ ማላ
1 ኦዝያና ናአይ እዮአታማ ናአይ አካዝ፥ ይሁዳን ካዎትዳ ዎደ አራመ ካዎይ ራዝንነ እስራኤለ ካዎይ ራማላ ናአይ ፋቁሄይ የሩሳላመ ኦላናዉ ይዶሶና፤ ሽን ፆናናዉ ዳንዳእቦኮና።7:1 2 ካዎ 16:5፤ 2 ታር 28:5-6.
2 አራመ ቢታይ ኤፍሬማ ቢታራ እስፈ ኦላስ ጫቅዳይሳ ይሁዳ ካዎይ ስእዳ ዎደ፥ ዎራን ደእያ ም ጫርኮይ ቃይሳዳ፥ አካዛ ዎዛናይነ አሳ ዎዛናይ ዳጋማን ቃፅስ።
3 ጎዳይ እሳያሳኮ፥ "ኔራነ ነ ናኣ ሼር-ያሱባራ7:3 ሼር-ያሱባ፦ ሀ ሱን ብርሸይ "ጉት ስማና" ጉሱ (እሳ 10:20-22)። አካዛራ ጋሄታናዉ ቢተ፤ ህንተ እያ ማኦ ሜጭያ ጎሻኮ ኤፍያ ኦግያ ማታን ቆሞ ባጋን ደእያ ሃ ኦላ ዉርሰን ህንተ እያ ደማና። 4 እያዉ ሀይሳዳ ያጋዳ ኦዳ፤ ‘ናገታ፤ ዎፑ ጋ፤ ያዮፋ። ሀ ናምኡ ካዎት ታማፐ አትድ ጩያ ዱሩማ መላ ግድያ ግሾ፥ አራመ ካዋ ራዝናነ ራማላ ናኣ ሀንቁዋስ ያዮፋ፤ ነ ዎዛናይ ዳጋሞፎ።’ 5 አራመ ቢታይ፥ ኤፍሬማ አሳራነ ራማላ ናኣራ ነ ቦላ ኢታባ ማቀትዶሶና።" 6 ኤንቲ "አነ ይሁዳ ኦልድ ኦይኮስ፤ እያ መንረድ ኑ ግዶን ሻክ ኤክድ፥ ፃቤላ ናኣ ካዎና ያጎሶና" ያጋ።
7 ግዶሽን፥ ኡባ ሃርያ ጎዳይ፥ "ሀ ኤንታ ማቆይ ምነና፤ ኤንታ ዞረታይ ፖለተና። 8 ዳማስቆይ አራመ ሁጰ፤ ካዎይ ራዝን ዳማስቆ ሁጰ። ኡሱፑን ታማነ እቻሹ ላይ ግዶን ኤፍሬም ላለትድ ካዎተ ግዶና አታና። 9 ኤፍሬማ ሁጰይ ሳማርያ፤ ራማላ ናአይ፥ ፋቁሄይ ሳማርያ ሁጰ። ህንተ፥ ህንተ አማኑዋን ምኖና እፅኮ፥ ኤቃናዉ ዳንዳኤከታ" ያጌስ።
10 ቃስካ ጎዳይ አካዛኮ፥ 11 "ቦላ ሳሉዋፐ ዎይኮ ጋርሳ ሳኣፐ ጎዳይ፥ ነ ፆሳይ ነዉ እስ ማላ እማና መላ ኦይቻ" ያግስ። 12 ሽን አካዝ፥ "ኦይችከ፤ ኦይቻዳ ጎዳ ፓጭከ" ያግስ።
13 ያትን፥ እሳያስ፥ "ህንተኖ፥ ዳዊታ ሶ አሳዉ፥ ስእተ! ህንተ አሳ ዳንዳአ ፓጨይስ አይ ጉፅን፥ ቃስ ታ ፆሳ ዳንዳአ ፓጨቲ? 14 ሄሳ ግሾ፥ ጎዳይ ባ ሁጰን ህንተዉ ማላ እማና፤ ጌላእያ ቃንታዳ አደ ናአ የላና፤ እያ ሱንካ አማኑኤላ7:14 አማኑኤላ፦ ሀ ሱን ብርሸይ "ፆሳይ ኑራ ደኤስ" ጉሱ። ጋዳ ፄጋና።7:14 ማቶ 1:23. 15 እ፥ ኢታ እፆነ ሎኦ ዶሮ ኤርያ ዎደ መቃ ማነ ኦይስ ማና። 16 ሽን ናአይ ኢታ እፆነ ሎኡዋ ዶሮ ኤራናፐ ስን፥ ኔኒ ያይያ ናምኡ ካዎታ ቢታት ባይሳታና። 17 ኤፍሬም ይሁዳፐ ሻከቶሳፐ ዶምን ሀንቦና መቶ ዎደ ጎዳይ ነ ቦላ፥ ነ አሳ ቦላነ ነ አዋ ሶ አሳ ቦላ ኤሀና፤ እ ኤሀናይካ አሶረ ካዋ" ያግስ።
18 ሄ ጋላስ ጎዳይ፥ ሃሆ ሻፋ ጋፃን ደእያ ግብፀ ኡዱንፀታነ አሶረ ማታ ሱይቅድ ፄጋና። 19 ያትን፥ ኤንቲ ኡባይ ይድ፥ መላ ቢታ ዛንጋራን፥ ሹቻ ጎንጎሎን፥ አጉን ደእያ ቡረንነ ሃ ኦላታን ኡታና።
20 ሄ ጋላስ ጎዳይ ኤፍራፂሳ ሻፋ ሄፍን ባጋፈ ጋርፅዳ ሽግርያን፥ አሶረ ካዋን፥ ህንተ ሁጵያ ቡሉሳና፤ ህንተ እክስያነ ህንተ ቡቻ ሜዳና።
21 ሄ ጋላስ እስ አሳስ እስ ሚዝነ ናምኡ ዴሻ ፃላል አታና። 22 ግዶሽን፥ ኤንታ ማይ ዳሮ ግድያ ግሾ እ መቃ ማ ኡስታና፤ ሄ ቢታን አትዳ አሳ ኡባይ መቃ ማነ ኤስ ማና።
23 ሄ ጋላስ እስ ሙኩሉ ብራን ዋሸትያ ሙኩሉ ዎይነ ቶሆት ደእያ በሳ ኡባን ክንቾተይነ አጉን ዶላና። 24 ቢታ ኡባን ክንቾተይነ አጉን ኩምዳ ግሾ፥ አሳይ ያ ብያ ዎደ ዶንገ ኦይክድ ባና። 25 ካሰ ኮንተን ኦዳ ዙማታን ሀእ ክንቾተይነ አጉን ኩምዳ ግሾ ያይድ፥ እስ አስካ ያ ቤና። ሽን መሄይነ ዶርስ ሄመትያ በሲ ግዳና።