እሳያሳ ፄገተ
1 ካዎይ ኦዝያን ሀይቅዳ ላይ ጎዳይ ቃ አራታንነ ቦንቾ በሳን ኡትዳይሳ በአስ፤ እያ ማኦይ ፆሳ ኬ ኩምስ።6:1 2 ካዎ 15:7፤ 2 ታር 26:23. 2 ሱራፌላ ጌተትያ ኪታንቾት እያፐ ቦላራ ደኦሶና፤ እስ እስ ኪታንቹዋስ ኡሱፑን ቀፈት ደኦሶና፤ ናምኡ ቀፈታን ባ ሶምኡዋ ካሜስ፤ ናምኡ ቀፈታን ባ ቶሁዋ ካሜስ፤ ናምኡ ቀፈታን ፕራስ። 3 ኤንቲ እሶይ እሱዋኮ፥ "ጌሻይ፥ ጌሻይ፥ ጌሻይ፥ ኡባፈ ዎልቃማ ጎዳ! ሳአ ኡባይ እያ ቦንቹዋን ኩምስ"6:3 ቆን 4:8. ያጎሶና። 4 ኤንታ ግርሳ ዋሱዋ ጋሶን ፆሳ ኬ ባሶይ ቃፅስ፤ ፆሳ ኬይ ጩያን ኩምስ።6:4 ቆን 15:8.
5 ያትን፥ "ታኒ መተርሻይ ቱንዳ አሳ ግዶን ደአይስ፤ ታ መተርሻይካ ቱና። ታኒ ካዋ፥ ኡባፈ ዎልቃማ ጎዳ ታ አይፈን በእዳ ግሾ፥ ታና አየ! ታ ያስ!" ያጋስ።
6 ሄ ኪታንቾታፐ እሶይ ያርሾ በሳፈ ቦንቆ ታማ ቃጰራ ኤክድ ፕራሸ ታኮ ይስ። 7 ቦንቆ ታማን ታ መተርሻ ቦችድ፥ "ሄኮ፤ ሀ ቦንቆ ታማይ ነ መተርሻይ ቦችዳ ግሾ ነ ናቆይ ኔፐ ክችስ፤ ነ ናጋራይ አቶ ጌተትስ" ያግስ።
8 ሄሳፈ ጉየ ጎዳይ፥ "ኦና ኪቶ? ኑስ ኦነ ባናይ?" ያግሽን ስአስ። ታኒ፥ "ሄኮ፥ ታና ኪታ፥ ታኒ ባና" ያጋስ።
9 ጎዳይ ታኮ፥ "ባዳ ሀ አሳ፥ ‘ህንተ ስስ ስኤታ፥ ሽን አኬከከታ፤ ህንተ ፄለታ፥ ሽን ደመከታ’ " ያጋዳ ኦዳ። 10 ካልድካ፥ "ሀ አሳ ዎዛና ሙምሳ፤ ኤንታ ሀይ ቱልሳ፤ ኤንታ አይፍያ ጎዛ። ሄስ ሀኖና እፅኮ፥ ኤንቲ ባንታ አይፍያን በእድ፥ ባንታ ሀይን ስእድ፥ ባንታ ዎዛናን አኬክድ፥ ታኮ ስማና፤ ዛሪድ ፓፃና"6:10 ማቶ 13:14-15፤ ማር 4:12፤ ሉቃ 8:10፤ ዮሀ 12:40፤ ሀዋ 28:26-27. ያግስ።
11 ታኒ፥ "አቤት ጎዳዉ፥ ሄስ ሀናናይ አዉደ ጋካናሴ?" ያጋስ።
እ ዛሪድ፥ "ካታማት ላለታና ጋካናዉ፥ ኬት ካይሳ ግዳና ጋካናዉ፥ ቢታይ ፖሎ ዶገታና ጋካናዉ፤ 12 አሳ ሃሆ በሲ የዳና ጋካናዉነ ቢታይ አስ ባይና መላ ቢታ ግዳና ጋካናሳ። 13 ታሙ አሳፐ እስ አስ ቢታ ቦላ አትኮ፥ እካ ያና። ቃንፅን አትዳ ዎላነ ጫጫ ዱሩማ መላ ግዳና፤ ሄ ዱሩማይ ጌሻ ኮቸ ግዳና" ያግስ።