Mateus 18

Kilɨnga nʉ mʉntʉ nʉkʉgazɨɨye

15 "Mʉnyandʉgʉ wako anga wakʉgazɨɨlye, mʉhange ʉmʉɨle igazo lakwe ize mɨabɨɨlɨ dʉ. Anga wakije ʉkʉtula wamʉlija ʉmʉnyandʉgʉ wako. 16 Mʉnyandʉgʉ nʉanso anga wahite kʉija, mitangɨlye mʉntʉ ʉng’wɨ ang’wɨ antʉ abɨɨlɨ amʉtegeelye, ingɨ kʉkɨɨla ntambʉ aantʉ abɨɨlɨ ang’wɨ ataatʉ, makani nɨmigazɨɨye ahume kʉhungwa, anga ʉandɨkwa nʉandɨkilwe. 17 Anga wahite kʉija nɨanso, pisha kɨanza la ahʉɨɨli. Anga wahita kʉlɨtegeelya ianza nɨla ahʉɨɨli, mʉalye anga antʉ nɨshanga amʉmanyile Itunda nɨ ahangʉlya kodi.

Kʉgilya nʉ kʉgombya

18 Yesʉ akalongoleka kʉtambʉla, "Kʉmʉila ɨtai, kɨhi nɨmʉkʉkɨgilya mihɨɨ nʉ kigʉlʉ kɨkʉgilingwa, nikɨ nɨmʉkʉkɨgombya mihɨɨ nʉ kigʉlʉ kɨkʉgombigwa.

19 Kʉmʉɨla hangi, antʉ abɨɨlɨ mʉng’wanyʉ anga igombye mihɨɨ mɨkani lɨhi nɨakʉlompa, Tata wane nʉa kigʉlʉ ʉkʉatendeela ɨkani nɨlanso. 20 Kʉnsoko pɨhi nɨakʉtankana antʉ abɨɨlɨ ang’wɨ ataatʉ kʉlina lane, ʉnene nkolɨ palʉng’wɨ nɨenso."