Matt 17

lmejd n yesuwƹ

1 wembeƹd 6 d ussanaṯ yewya yesuwƹ buṭrus aḏ yeƹquwb aḏ yuwḥenna uwas. yuli sisen weḥdesen al ljbel. 2 yeṯbeddel zzaṯesen. yeḏwel uḏmis yetreq am tufuyt aḏ lḥweyjis d imellelen am ddu.

3 yaxy ḍhernesend muwsa aḏ iliyya duggan yiḏes. 4 ƹelewleh yuwa buṭrus y yesuwƹ: «ayya siydneγ mennit d ṣbiḥ lukan aneqqim deh. kan texseḏ aggeγ dehnit 3 n lƹecceṯ: ijeṯ y cek, ijeṯ y muwsa, ijeṯ y iliyya.»

5 mniyn netta ydugga tuḏennin tesḥabt tetreq. yaxy slen mam yemmel seg amasis: «qa wuh d memmi lliy xsext, lliy freḥeγ siyes ggeṯ. sseγdeṯ dwiys.»