Isaías 40

28 നിനക്കറിഞ്ഞുകൂടായോ? നീ കേട്ടിട്ടില്ലയോ?

യഹോവ നിത്യദൈവം;

ഭൂമിയുടെ അറുതികളെ സൃഷ്ടിച്ചവൻ തന്നെ;

അവൻ ക്ഷീണിക്കുന്നില്ല,

തളർന്നുപോകുന്നതുമില്ല;

അവന്‍റെ ബുദ്ധി അപ്രമേയമത്രേ.

29 അവൻ ക്ഷീണിച്ചിരിക്കുന്നവനു ശക്തി നല്കുന്നു;

ബലമില്ലാത്തവനു ബലം വർദ്ധിപ്പിക്കുന്നു.

30 ബാല്യക്കാർ ക്ഷീണിച്ച് തളർന്നുപോകും;

യൗവനക്കാരും ഇടറിവീഴും.

31 എങ്കിലും യഹോവയെ കാത്തിരിക്കുന്നവർ ശക്തിയെ പുതുക്കും;

അവർ കഴുകന്മാരെപ്പോലെ ചിറകടിച്ചു കയറും;

അവർ തളർന്നുപോകാതെ ഓടുകയും

ക്ഷീണിച്ചുപോകാതെ നടക്കുകയും ചെയ്യും.