5 എന്നാൽ അവൻ നമ്മുടെ അതിക്രമങ്ങൾനിമിത്തം മുറിവേറ്റും

നമ്മുടെ അകൃത്യങ്ങൾനിമിത്തം തകർന്നും ഇരിക്കുന്നു;

നമ്മുടെ സമാധാനത്തിനായുള്ള ശിക്ഷ അവന്‍റെമേൽ ആയി

അവന്‍റെ അടിപ്പിണരുകളാൽ* നമുക്കു സൗഖ്യം വന്നുമിരിക്കുന്നു.

6 നാം എല്ലാവരും ആടുകളെപ്പോലെ തെറ്റിപ്പോയിരുന്നു;

നാം ഓരോരുത്തനും അവനവന്‍റെ വഴിക്കു തിരിഞ്ഞിരുന്നു;

എന്നാൽ യഹോവ നമ്മുടെ എല്ലാവരുടെയും അകൃത്യം

അവന്‍റെമേൽ ചുമത്തി.

7 തന്നെത്താൻ താഴ്ത്തി വായ് തുറക്കാതെയിരുന്നിട്ടും

അവൻ പീഡിപ്പിക്കപ്പെട്ടു;

കൊല്ലുവാൻ കൊണ്ടുപോകുന്ന കുഞ്ഞാടിനെപ്പോലെയും

രോമം കത്രിക്കുന്നവരുടെ മുമ്പാകെ

മിണ്ടാതെയിരിക്കുന്ന ആടിനെപ്പോലെയും

അവൻ വായ് തുറക്കാതെ ഇരുന്നു.