1 യഹോവ ഇപ്രകാരം അരുളിച്ചെയ്യുന്നു:

"സ്വർഗ്ഗം എന്‍റെ സിംഹാസനവും

ഭൂമി എന്‍റെ പാദപീഠവും ആകുന്നു;

നിങ്ങൾ എനിക്ക് പണിയുന്ന ആലയം ഏതുവിധം?

എന്‍റെ വിശ്രാമസ്ഥലവും ഏത്?

2 എന്‍റെ കൈ ഇതൊക്കെയും ഉണ്ടാക്കി;

അങ്ങനെയാകുന്നു ഇതെല്ലാം ഉളവായത്"

എന്നു യഹോവ അരുളിച്ചെയ്യുന്നു;

"എങ്കിലും എളിയവനും മനസ്സു തകർന്നവനും

എന്‍റെ വചനത്തിങ്കൽ വിറയ്ക്കുന്നവനുമായ

മനുഷ്യനെ ഞാൻ കടാക്ഷിക്കും.