6 നമുക്ക് ഒരു ശിശു ജനിച്ചിരിക്കുന്നു;

നമുക്ക് ഒരു മകൻ നല്കപ്പെട്ടിരിക്കുന്നു;

ആധിപത്യം അവന്‍റെ തോളിൽ ഇരിക്കും;

അവന് അത്ഭുതമന്ത്രി, വീരനാം ദൈവം,

നിത്യപിതാവ്, സമാധാനപ്രഭു

എന്നു പേര് വിളിക്കപ്പെടും.

7 അവന്‍റെ ആധിപത്യത്തിന്‍റെ വർദ്ധനയ്ക്കും

സമാധാനത്തിനും അവസാനം ഉണ്ടാവുകയില്ല;

ദാവീദിന്‍റെ സിംഹാസനത്തിലും

അവന്‍റെ രാജത്വത്തിലും

ഇന്നുമുതൽ എന്നെന്നേക്കും അവൻ അതിനെ

ന്യായത്തോടും നീതിയോടും കൂടി

സ്ഥാപിച്ചു നിലനിർത്തും;

സൈന്യങ്ങളുടെ യഹോവയുടെ തീക്ഷ്ണത

അതിനെ നിവർത്തിക്കും.