Salmos 13

संकटकाळी साहाय्यासाठी प्रार्थना

मुख्य गायकासाठी; दाविदाचे स्तोत्र.

1 हे परमेश्वरा, तू मला आणखी किती काळ विसरून जाणार आहेस?

किती वेळ तू आपले मुख माझ्यापासून लपवणार आहे?

2 पूर्ण दिवस माझ्या हृदयात दु:ख असता,

किती काळ मी माझ्या जीवाबद्दल चिंता करू?

किती काळ माझे शत्रू माझ्यावर वर्चस्व करणार?

3 हे परमेश्वरा, माझ्या देवा, माझ्याकडे बघ, माझ्या प्रश्नांचे उत्तर दे.

मला मृत्यू निद्रा येऊ नये म्हणून, माझे डोळे प्रकाशीत कर.

4 मी त्याच्यावर विजय मिळवला असे माझ्या शत्रूला बोलू देऊ नको.

म्हणजे माझा शत्रू असे म्हणणार नाही की, मी त्यावर विजय मिळविला आहे. नाहीतर माझे शत्रू मी ढळलो म्हणून उल्लासतील.

5 परंतु मी तुझ्या प्रेमदयेवर विश्वास ठेवला आहे.

माझे हृदय तुझ्या तारणात हर्ष पावते.

6 मी परमेश्वरासाठी गाईन,

कारण त्याने मला फार उदारपणे वागवले आहे.