4 त्या आम्ही त्यांच्या वंशजापासून गुप्त ठेवणार नाही.

त्या आम्ही पुढील पिढीला परमेश्वराची स्तुत्य कृत्ये,

त्याचे सामर्थ्य आणि त्याने केलेले आश्चर्ये कृत्ये सांगू.

5 कारण त्याने याकोबात निर्बंध स्थापले

आणि इस्राएलासाठी नियमशास्त्र नेमले.

त्याने आमच्या पूर्वजांना आज्ञा दिल्या की,

त्यांनी त्या आपल्या मुलांना शिकवाव्या.

6 त्याने ही आज्ञा यासाठी दिली की, पुढच्या पिढीने म्हणजे जी मुले जन्माला येतील, त्यांनी त्या आज्ञा जाणाव्या,

त्या आपल्या स्वतःच्या मुलांना सांगाव्या.

7 मग ते आपली आशा देवावर ठेवतील

आणि त्याची कृत्ये विसरणार नाहीत

परंतु त्याच्या आज्ञा पाळतील.