स्तोत्रसंहिता 91

सर्वसामर्थ्याच्या पंखांखाली आश्रय

1 जो परात्पराच्या आश्रयात राहतो,

तो सर्वसामर्थ्याच्या सावलीत राहील.

2 मी परमेश्वराविषयी म्हणेन की, "तो माझा आश्रय आणि माझा किल्ला आहे,

माझा देव, ज्यावर मी विश्वास ठेवतो."

3 कारण तो तुला पारध्याच्या पाशातून

आणि नाश करणाऱ्या मरीपासून तुला सोडवील.

4 तो तुला आपल्या पंखानी झाकील,

आणि तुला त्याच्या पंखाखाली आश्रय मिळेल.

त्याचे सत्य ढाल व कवच आहे.