1 Ndinoreverera hanzvadzi Febhi kwamuri, mushumiri wokherekhe iri kuKeningiriya, 2 kuti mumutambire muna Ishe sezvinokodzera vatsvene, mumubatsire panochidofanira kuti achiwane kwamuri, ndava iye adova mubatsiri wovazinji, kuverengera wakareni.

3 Moresai Pirisira naAkwira vashandi biyangu muna Khirisitu Jesu. 4 Vadoisa upenyu hwavo panjodzi nokuda kwangu. Aikona inini ndega, asiwo kherekhe dzese dzodzimwe Ndudzi dzinovatenda. 5 Moresai kherekhe inokumana pamumba pavo.

Moresai Epenetasi shamwari yangu inodikana, ndiye adothanga kupinduka kuna Khirisitu mudunhu roEzhiya. 6 Moresai Mariya, adokushandirai zvidosimbitsa. 7 Moresai Andironika naJuniasi, hama dzangu dzandanga ndinadzo mutorongo. Vanozikanitsa pakati ponhumwa, futi vadondithangira kuva muna Khirisitu.

8 Moresai Ambiriyatasi, wandinoditsitsa muna Ishe. 9 Moresai Yubhanasi, mushandi biyangu muna Khirisitu, naSitakisi shamwari yangu inodikana. 10 Moresai Aperesi, adoedzewa ndokuoneka adokodzera muna Khirisitu. Moresai vomhuri yaArisitobhurasi. 11 Moresai Herodioni hama yangu. Voimba yaNasisasi vari muna Ishe, vamoresei.

12 Moresai Turaifina naTuraifosa, vakadzi vakarevo vanoshanda zvidokungudza muna Ishe. Moresai Pesisi shamwari yangu inodikana, futi adoshanda zvidosimbitsazvo muna Ishe. 13 Moresai Rafasi, adosarudziwa muna Ishe, naamai vache, vanga variwo amai kwandiri. 14 Moresai Asinikiritasi, Feregoni, Hemesi, Patirobhasi, Hamasi nohama dzavanadzo. 15 Moresai Firorogasi, Juriya, Nariyasi nohanzvadzi yache naOrimupasi novatsvene vese vavanavo.

16 Moresanai nokutsvodana kutsvene. Kherekhe dzese dzaKhirisitu dziri kukumoresai.

17 Ndiri kukukumbiritsai, hama, chenjererai vapesanisi vanouyisa zvigumbu, zvichipesana nodzidziso yamudodzidza, taramukanai navo. 18 Ndava vanhu vadodarovo vari kushumiraba Ishe wedu Khirisitu neye, asi kuda kuja. Vanotaura dzvene nokupenzveredza kuti vafurire vadopusa. 19 Nondava yokuti kuteerera kwenyu kudonzviwa novese, zvakarezvo zvidondizaza nokukufarirai, asi ndinoda kuti muchenjerere zvidonaka, muchiva madzemwa pazvinhu zvidonyangara. 20 Zvino Mwari, worugare, achathachura Sathani nokamangu pasi potsoka dzenyu.

Mutsa dzaIshe wedu Jesu mbadzive naimimi.

21 Timoti mabiyangu pabasa, watumira kumoresa kwache kwamuri, ndomwenze kamu nohama dzangu Rusiyasi, Jasoni naSosipeta vaitawo zvibodzi bodzizvo.

22 Inipano Tatiyasi, nyakunyora gwaro rino, ndinokumoresai muna Ishe.

23 Gayosi mwenekachiro wopamumba pandiri, ndipo kamu pamumba panokumana kherekhe, naiyewo ari kukumoresai, Eresitasi munyori woguta nohama yedu Kotasi, vari kukumoresai. 24 Mutsa waIshe wedu Jesu Khirisitu mbauve nemi mese. Ameni.

25 Kuna Iye anogona kukumisai semanyairiro yanoita vhangeri rangu nokuparidziwa kwaJesu Khirisitu, maererano nokubvuhunuriwa kwozvanga zvidobvinihiriwa kubva pakusikiwa kwonyika, 26 asi manje zvidobvuhunuriwa zvichibva zvazikana kuburikidza nozvinyohwa zvochiporofiti zvidozivisiwa kumarudzi yese, maererano nokuraira kwaMwari wokusingapere, kuitira kuti ndudzi dzese dzimutende nokumuteerera.

27 Kuna Mwari wega adochenjera mbakuve kubhwinya narini narini kuburikidza naJesu Khirisitu. Ameni.