Marcos 7

Yesu kamhonya munhu yakalile msuamagutwi na bubu

31 Amala Yesu kahalawa muikae ya Tilo kabita hagati ha Sidoni mbaka lamba da Galilaya, na kwingila Dekapoli manake kae kumi. 32 Uko, wanhu wamgalila Yesu munhu msuamagutwi, iyo ivija kakala na bubu, wampula yamwikile makono gake mditwi munhu iyo ili yamhonye. 33 Amala Yesu kamsegeza ija msuamagutwi hamgwazo hatali na wanhu, Yesu kagela vidole vake mmagutwi ga ija munhu. Amala kaitemela mate mmakono gake na kwamha lulimi lwa ija munhu kwa chidole. 34 Baho Yesu kalola kuulanga kwa Mulungu, kakwega muhe kwa ubazi na kamlongela,"Efata," maanake, "Vubuka."

35 Bahaja magutwi gavubuka na lulimi lwake lulekesigwa na kasonga kulonga. 36 Yesu kawalagiza seke wamlongele munhu yoyose mbuli izo. Mbali kila viyawagoma seke walonge, wao wokongeza kulonga chila hanhu. 37 Wanhu wakanganya ng’hani, walonga, "Katenda mbuli zose vinogile ng’hani! Kowadahiza mswamagutwi kuhulika na weli na ludanha kulonga!"