Mateus 24

3 Utuu Iisaan Tulluu Ejersaa irra taaʼee jiruu, barattoonni isaa kophaa isaanii gara isaa dhufanii, "Mee nutti himi; wanni kun yoom taʼa? Mallattoon dhufa keetii fi mallattoon dhuma barichaa maali?" jedhan.

4 Iisaanis akkana jedhee deebiseef; "Akka namni tokko iyyuu isin hin gowwoomsineef of eeggadhaa. 5 Namoonni hedduun, ‘Ani Al-Masiihii’ jedhanii maqaa kootiin ni dhufuutii; nama hedduus ni gowwoomsu. 6 Isin waaʼee waraanaatii fi oduu waraanaa ni dhageessu; garuu akka hin rifanne of eeggadhaa. Wanni akkanaa taʼuu qabaatii; dhumni garuu amma iyyuu hin geenye.