36 Wakamilika esiya gubungano lebanhu akangina mun’umba. Badiyiwa babe bakahha kuwunli, beti, "Mutitjenesele tjifananidzo tjedihwa muminda."

37 Wakahandula eti, "Unodzwala mbewu yakanaka uNkololo wenhu; 38 minda ihango, mbewu yakanaka kobviwa bana bebumambo; dihwa kobviwa bana benhu mbi, 39 kakale tjita tjakabadzwala ndisatane; gowho ibupelo gwetjibaka, banokowha ibatumwa beNdzimu. 40 Sedihwa likubunganyiwa lipisiwa nemoto, kowhojalo bo pakupela kwetjibaka. 41 Nkololo wenhu unowhotuma batumwa babe, banowhodusa mubumambo gugwe kose kunohhisa jinyo nebayeti bezwibi bose, 42 baka baposela mubibi lemoto; imhomo banhu banowholila bakalobanya meno. 43 Bakalulama banowhopenya sehhuba mubumambo gwaTate babo. Unazebe ngaawhe."