Mateus 17

Handuka Mamo

1 Hule kwemahhuba matanhatu, Yesu wakatola Phethiro naJakobe naJohane nun’una waJakobe, akabatungamila eyenda nabo pehhugwi kwedombo lefulefu, pabakaba boga. 2 Wakahanduka mamo mbeli kwabo, buso gugwe gukapenya sehhuba, zwiyambalo zwizwe zwikaba zwitjenatjena setjedza. 3 Ipapo kukaboneka pabali Mozisi na Elija, belebeleka naye. 4 Phethiro eba eti kuna Yesu, "He, kwakanaka kuti tipano; hapa muda, ndowhobaka matumba matatu ipapa, lenyu nelaMozisi nela Elija."

5 Akati etjalebeleka, gole linopenya likabakwitidza, whi limugole liba liti, "Iwhoyu ndiye Nkololo wangu wandinoda, unondihanhisa kwazo. Muwuwhilile!"