21 Pakalepo Pita wakoondila, akati kwaali, "Tezi, ndondekejela kujine kube lini mwanakwaina wangu unondichinyila? Biya ndundekejele kujine kube tushanu tuna tubili na?"

22 Jesu wakati kunaiye, "Andijikumuti kunawi, tushanu tuna tubili, koga makumi mashanu ana makumi mabili anokwilikanywa tushanu tuna tubili. 23 Nokudalo bushe bwedenga bungakwejaniswa sashe wakabeda kuziba kuti bashingi babe bakaba belina imalini iye. 24 Wakati atanga kubala imali jije, umwe wakabuzwa kunaiye wakabeli nechikwelete chikulwana*18:24 Italenta lyakaba lili indalama inobulemu bwe 30kg chezwiulu nezwiulu zwemali. 25 Nokuti wakaba esina imali yokulipa, nokudalo tezi uwe wakaleba kuti iye, unkaji uwe, bana babe bose, naizwo zwose zwaananazo zwitengeswe kutila kuti elipe chikwelete. 26 Unshingi wakawila pasi nezwivi akabweta eti, ‘Tezi nditileni moyo undefu nche, ndomulipa zwose.’ 27 Neshe, tezi bonshingi bakonsupula, bakondekejela chikwelete chiche."

28 "Koga unshingi wakaleyondiya wakati abhuda yopo, wakashangana noumwe unshingikwaina, wakabeli nechikwelete chiche chitukutuku chemali yamakobeli izana *18:28 Idinali lyakabekwelana nendipo yoshinga izhuba limwempela. yamadinali. Wankosina kangoto, eti, ‘Ndipe mali yangu!’ 29 Koga unshingikwaina uwe wakawila pasi, eti, ‘Ndakubweta, iba nomwoyo undefu nami, ndichamulipa.’ 30 Wakalamba, akanoumbiga muntolongo kuswikila alipa chikwelete chiche. 31 Bamwe bashingikwaina pabakabona zwaluba zwatikana, zwakabalwaja kasa, bakanobuja tezi wabo zwose zwakabatikana. 32 Kova tezi onshoba, akati kwaali, ‘Iwi nshingi unamwoyo umbi! ndakakulekejela chikwelete chose nokuti wakandibweta, 33 Aujakabekwelela, na kuti iwi utilebo unshingikwaina uwo ishe, sezwindakata pandakakutilabo ishe?’ 34 Mukulutila kasa tezi, wakompila mumaboko abashingi bomutolongo kuti boyangatise kuswikila alipa chikwelete chose.

35 "Neebo Tate Bangu bokudenga, banoomuta alo mose, umwe noumwe, kana musinolekejela banakwaina benu nemyoyo yenu."