24 A koga gele peske e Jovaneskere učenikija, o Isus počmingja te vakerel e manušenge bašo Jovan: "So iklilen te dikhen ki pustina? I trska li so phudela la i bavlal? 25 Ako na, so iklilen te dikhen? Manuš uravdo ko šuže šeja? Na, okola so phiravena skupa šeja hem so živinena ko luksuz tane ko carska palate. 26 Ili so iklilen te dikhen? E proroko li? Oja, vakerava tumenge, ov tano poviše taro proroko. 27 Ov tano akava baši kaske sine pišimo:
‘Akje, me bičhavava me glasniko angla tute,
so ka spreminel to drumo angla tute7:27 tute Mal 3:1; Mt 11:10; Mk 1:2..’
28 Vakerava tumenge, maškar sa o manuša soj bijame nijekh nane pobaro taro Jovan Krstitel, ama sekoj soj najtikno ko carstvo e Devleskoro tano pobaro lestar."
29 Koga šunge o lafija e Isuseskere sa o manuša dži o danočnikija, priznajnenge deka e Devleskoro drumo tano čačutno, adaleske so sine krstime e Jovanestar. 30 Ama o fariseja hem o učitejla e Zakoneskere odbinge e Devleskoro plani baši pumenge, adaleske so na sine krstime taro Jovan.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)