17 Nziã oyɛɛn bubu: "M’ãtsoo ã tɔ,

mɛ̃ ekieel esa kwɛn Ɔ̃fel a mɛ̃ akɔɔn me baal bueel,

baan a byɛ b’abɔɔl ye b’akaal akieel ayɛɛn ãndɔɔ m’ãfa ola mɛ̃,

ãnsanga ã byɛ ãkieel ãkal y’emwɛn,

ekukwel e byɛ ekieel eluaal ãnduaal.

18 Taa-taa bam, m’ãtsoo omɔ̃, mɛ̃ ekieel esa kwɛn Ɔ̃fel a mɛ̃ akɔɔn m’asal a mɛ̃, ekal b’abɔɔl, ekal b’akaal,

bɔ akieel ayɛɛn ãndɔɔ m’ãfa ola mɛ̃.

19 Mɛ̃ ekieel esa ãndɔɔ m’ɛ̃kam ke ywel,

mɛ̃ hɛ̃ ekieel esa eliĩ me nsie.

Ekieel ekal y’ãkel, ye mbaa, ye yoo.

20 Tal ekieel ekɔɔl empeel,

nswii akieel akɔɔl ãkel,

tiil ye k’ekoo tsoo e Mfam, tsoo e ndɛ li enɛn, tsoo e ndɛ li omfam.

21 M’emfa okyɛ, mbuul ndyam wueel wu akieel ata Mfam mbel akieel abvuul."