John 20

11 Dede Mary au herau gwale sapbam hap eh. Iciu eh pa hap kebam dau, pa keukeimie herau lungga piegai. 12 Jisu paau kaipwa kebamga pe peu lebie hangge, nah pe pi lebie hangge, tinggimgwame hangna harei eh ntum bam eh pa ngaulu. 13 Penai pe dage rangdi, "Mipoi, nang daitei eh hap lano?" Pa penai dage rangdi, "Kedanemene penui a Rampaube de pwa tet kedine, nah penui pecu dai gage kaidi debi Ih ci meda." 14 Pa aide rang luge, pa nreu gwang nah Jisu cika sap bam eh ngaulu, dede pa Jisu lie kecu cilu ma. 15 Jisu pe dage rangdi, "Mipoi, nang daitei hap bam no? Nang caude peei lano?" Pa pecu hegurie kekwabe lie eh cet bam, cine pa peda rangdi, "Kedibo, nang pecu pwa tet dicai, nang pecu dai gage kai dibi a dage rang beulo, nah Ih pecu pwa gwang dizie." 16 Jisu pe dage rangdi, "Mary." Pa nreugwang, Hebrewme let gade pecu rangdi, "Rabboni" (pekie "Keledeubo"). 17 Jisu pe dage rangdi, "A cu deu helo, kedanemene Ih cude Peibe da nghang mereu lu, dede a siname da gwangcu nah penuide rang beulo, Ih a Pei nah nnui Peibe, nah a Tinggwang nah nnui Tinggwang da nghang lai eh zeulie kecu." 18 Mary Magdalene gwang nah caisuimedung dage rangbeu, "Ih Rampaube de ngau da," nah pe dage ma aidungde pa ne rangbeu kecude.