Marcos 11

Hecili eh kelüt

1 Pecai penui tetpwa Jerusalem namdi tai Olive Deutu ga Bethphage*11:1 Bethphage: Bethsphage dede la, Jisu pe caisuime de gada nah gada na teu gwanglo kie kegai nam de. penai Bethany nam ga gwanglu, ge Jisu ledeukelume hangna de langgai 2 nah penai dage rangdi, "Mie anuide mcwakebam nam ga lütlo. Nnai cika lütlu siakte pedwa migede cwakemak gada nage de keupwa kebam nnai ngaulu zie. Cide hiaklwe a da teugwang lo. 3 Magade mikangge nnaide, ‘Nnai daitei aide tei lano?’ de eh keteucai, nnai, ‘Rampaube cide teu maisia zeulie, nah aika lang caili zette dai beuzie,’" de ranglu. 4 Cine penai gwang ge puidiki mbie ga kikam ge caiga gada nage de keupwa bam eh ngaulu, nah penai cide hiaklu. 5 Cidau cika sap kebamme midungge penai dage keteudi, "Nnai daitei gada nade heu zeuno?" 6 Cine penai Jisu ne rangkebeu nzwa penuide rangbeu, ge penui penaide keulwe tet lulo beu. 7 Pecai ledeukelume kena de gada nade Jisu da ngngwa gwanglu, nah pereu gage penui pai kamgai beu nah Jisu pereu ga bamlu. 8 Mina kekiee ge penui paini lampuiki gage kamgai, nah kedame tsingkiakdung penui luhdung gade bi keludung kamgai. 9 Jisu dwaga tet kelame de nah pe caisui kelame de sahbak eh,

"Hosanna!*11:9 Hosanna: Pekie "kelikelu, kelikelube" Rampaube zi teu eh gwang kelame samlam pungtu lie.✝11:9 Lei. 118:26

10 Gwang kela anui pau David gwangram samlam pungtu lie!

Hosanna hutube!"✝11:10 Mat. 23:39

11 Pecai Jisu Jerusalem namdi ga lütlu, delwe pa kerecaki ga lütlu eh pa nreu gwang maleune piegai. Cidau tinghegi di, cine pa kereiekenabau de ngngwa Bethany nam ga gwangdi.