14 Akini kwa phome ya Klistu, mbui khuu zagosoka! Kwa udaho wa Muye wa Muungu wa misi yose kwesiho kisiikizi, Klistu keavya yee mwenye kuwa ntambiko bola kwaajii yetu kwa Muungu, phome yakwe yendaitisunte mioyo yetu kulawana na mbui zetu zietazo kuuya na nyuma, ili tidahe kumgosoea ndima Muungu ekuwae mgima.

15 Na kwaajii inu Klistu ni mwivanisa wa Agane Dihya kwa ili wada wekwetangwao ni Muungu wadahe kuhokea kia kiaga cha upazi wa kae na kae. Kwaajii Klistu nee kauya na nyuma ili kuwaika hulu kulawa mwe mavigaviga ambazo wantu newawa wagosoa.