Ayohana 20

Ayesu atendakwabhokela bhabhajigana bhabhe

19 Jikabhee kimuho ja lichobha lyela lya kujemeka juuma, Bhabhaajigana bhabhe bhakibha bhatekongana pamo munyuumba, kongo milyango jikibha jitabhwitwe kwa kubhee bhakaajogopanga Akaachilongola bha Bhayahudi. Bahi, Ayesu akahika, akajema pakati jabhenji akaalobholelanga, "Ntamange kwa kuhengwa." 20 Paakajomola kwaalobholelanga henela, Ayesu akabhalangianga mabhoko gabhe na ubhahu gwabhe. Henela bhabhachijijigana bhabhe pabhakaamona Hangwana bhakahachukanga pangali kupela. 21 Ayesu akaalobholelanga kabhele, "Ntamange kwa kuhengwa! Handa Atati chibhandumite nenga, nanenga ndendakuntumanga mwangota." 22 Paakajomola kulobhola genago, akaapepetelanga mboomo akaalobholelanga, "Mpokelange Mboomo ja Annoongo. 23 Handa mpakwalekelanga bhandu mabohu, bhandu bhenabho Annoongo apakwalekelanga gena mabohu. Nambo handa ngaalekelelanga bhandu mabohu gabhenji, nabhenabho ngalekelelwa mabohu gabhenji."