João 20

Ayesu atendakwabhokela Atomasi

24 Atomasi, jumo jwa bhenibhala bhabhachijigana komi na bhabhele jwaakakemwa Mabhela, jwangabhee penapo na bhenaangota Ayesu pabhaabhokela. 25 Henela bhenibhala bhabhachijigana bhangi bhakaalobholela, "Tutekummona Hangwana."

Nambo Atomasi akaalobholelanga, "Handa nangagabhona mabhai genago ga michumali mmabhoko gabhe na kukwaa lukonji lwangu mu mabhai genago ga michumali na lukonji lwangu mulubahu lwabhe, ngahobhalela ng’o."

26 Pagakapeta machobha ganane, bhabhachijigana bhabhe bhakibhanga pamo munyuumba na jonojwe Atomasi akibha pamo nabho. Kongo minniango jibhi jitabhwitwe Ayesu akajema pakati jabhenji akalobhola, "Ntamange kwa kuhengwa." 27 Ngapena Ayesu akaalobholela Atomasi, "Mmeke lukonji lwinu pambani na nnole mabhoko gangu, nnyulule lubhoko lwinu nkwae mulubahu lwangu. Nkotokubhee na lipamba nambo nhobhalele tu!"

28 Atomasi akaajangula, "Hangwana bhangu na Annoongo bhangu!"

29 Ayesu akaalobholela, "Ntekuhobhalela ligongo ntekumona? Bhatekutendelwa gammbone na Annoongo, bhenibhala bhabhahobhalelanga pangali kumona!"