João 3

3 Ayesu akaajangula, "Ndendakunnobholela kweli, mundu ngakombola kugubhona Umwenye gwa Annoongo handa ngabhelekwa pabhele." 4 Anikodemo akankonya, "Bholi, mundu akombolabholi kubhelekwa pabhele handa abhi anahota? Ngakombola kujiingila pabhele mu lutumbo lya anyongo bhabhe na kubhelekwa pabhele!" 5 Ayesu akaajangula, "Ndendakunnobholela kweli, jwakwa mundu joajola jwaapakombola kujiingila mu Umwenye gwa Annoongo handa ngabhelekwa kwa machi na kwa Mboomo ja Annoongo. 6 Mundu babhelekwa kwa mmele kwa atati na anyongo bhabhe, nambo mundu bhabhelekwa kwa mboomo kupetela Mboomo ja Annoongo. 7 Nkotokangacha panannobholela mpalikwa kubhelekwa pabhele. 8 Mboongo kupoga kohakola kujipala. Kupoga kwakwe ntendakujoa nambo ngakombola kumanya kujibhoka na kujijaula. Henela nga chiibhile kwa mundu joajola jwaabhelikwe na Mboomo ja Annoongo."