1 धि दाउदयि क्यालाक्युइ अब्राहामयि क्यालाक्युइ येशु ख्रिष्टयि ताङबुइ क्युइतेबे पालि छालि ना। 2 अब्राहाम इसहाकयि आके हिना, इसहाक याकुबयि आके हिना, यहुदा राङ हति आज्यो भाइतेबे आके, 3 यहुदा फोरस राङ जाहेरयि आके हिना हतिबे आमा तामर हिना फारेस हस्रोनयि आके हेस्रोन आरामयि आके 4 आराम अम्मिनादबयी आके, अम्‍मीनादाब नहशोनयि आके, नहशोन सल्मोनयी आके, ✝1:4 रुथ ४:१९-२० 5 सल्मोन बोअजयि आके हिना। हति आमा राहाब हिना। बोअज ओबेदयि आके हिना। मुइ आमा रुथ हिना ओबेदा यिशैयायि आके, 6 यिशै दाउद क्यालबोयि आके हिना। दाउद सोलोमनयि आके हिना। सोलोमनयि आमा उरियाहयि केरमान हिना। 7 सोलोमन रहबामयी आके, रहबाम अबियायी आके, अबिया आसायी आके, 8 आसा यहोशापातयि आके, यहोशापात यहोरामयि आके, यहोराम उज्जियाहयी आके, 9 उज्जियाह योतामयि आके, योताम आहाजयी आके, आहाज हिजकियायि आके 10 हिजकिया मनश्शेयि आके, मनश्शे ओमनयी आके, आमोन योशियाहयि आके, 11 योशियाह यकोनियास राङ हेतिबे भाइतेबे आके हिना, हतिबाला बेबिलोनला यहुदितेबाला बन्दि सोइरे खेरयापले ताङला क्येक्येबा हिना।✝1:11 यर्मिया २७:२० 12 बेबिलोनला बन्दि सोइरे खेर छारते च्येला यकोनियास शालतिएलयी आके हिना, शालतिएल यरुबाबेलयि आके, 13 यरुबाबेल अबिउदयि आके, अबिउद एल्याकिमयि आके, एल्याकिम आजोरयि आके, 14 आजोर सादोकयी आके, सादोक आखिमयि आके, आखिम एलिउदयि आके, 15 एलिउद एलाजारयि आके, एलाजार मत्तानयि आके, मत्तान याकुबयि आके, 16 याकुब हेतिराङ योसेफयि आके हिना, हति केरमान मरियम हिना। हति मरियमला लाराङ येशु क्येक्येबा हिना, काङतेला ख्रिष्ट नेनलो। 17 हति च्वरा क्याइरे अब्राहामने राङ दाउद थु मिराब च्युबझि च्युङदेलो, राङ दाउदयि भेलाने राङ बेबिलोनला बन्दि सोसोइबि भेला थु मिराब च्युबझि, राङ बेबिलोनला बन्दि सोसोबि भेलाने राङ ख्रिष्टयि भेला थु मिराब च्युबझि च्युङदेलो।

18 येशु ख्रिष्ट धिरिया किङगा क्येसोङ कि ख्हुइ आमा मरियमयि योसेफला लाँरेलो, हिन्नाङ हतिबे मिजे होङयापले ताङला मिरियम पवित्र आत्माने टोपा खुखुरा हा:कोरेलो। 19 हिन्नाङ मुइ ख्योबो योसेफ केवाकिङान च्युच्युङाति, खोला ङो छाजे मिसोयापयि सम क्याइरे मोला फा:ला राङ तोङयापयि सम क्याइसोङ। 20 हिन्नाङ जब ख्युइ धि ताम विचार किन ताताता होतोलो, मिलामला प्रभुयि तेङलायि लोन खेरङान थोङदे, खोला जु नाइसोङ, "योसेफ, दाउदयि पिजा, ख्युइ केरमान मरियमला खाला ङ्यान्दे खिमला ख्योङयापला माझि, चिचालानाना काङते मुइ टोपाला होतो, खो पवित्र आत्माने ना। 21 मुइ पिजा झि क्येरु झ्युङान ना, राङ ख्युइ ख्हुइ मिनला येशु भोरङान ना, चिचालानाना ख्युइ रेँ मितेबाला हतिबे तिक्पाने क्योपङान ना।" 22 ङोन्सेखिलङानयि लाम्ला परमप्रभुयि नानाइबि वचन पुरा होङयापला राङ धि पोरो च्युच्युङा ना✝1:22 यशैया २२:१४ 23 "तोइ, मिजे माक्याइबायि टोपा खुरङान ना, राङ हति पिजा झि क्येरु झ्युङान ना, राङ हति मिन इम्मानोएल भोरङान ना,"काङति खु, "कजसुबा हु ङ्याबो।"✝1:23 यशैया ७:१४ 24 योसेफ ङि सातेलो, राङ कजसुबायि तेङलायि लोन खेरङानतेबे खोला नानाइबा च्वरा क्याइना मरियमला रेँ केरमानयि धोला खिमला ख्योरेलो। 25 मिरयमयि पिजा क्येरु माच्यु थु योसेफ मो ङ्याबो मिङ्यालालो। योसेफयि ख्युइ मिनला येशु तारेलो।