मत्ति 13

3 ख्युइ हतिबाला प्येला लेइराङ ताम नाइसोङ। ख्युइ नाइसोङ, "ङिन झि सावोन झुङान मिझि सावोन झुतु पुइसोङ। 4 हति च्वरा क्याइरे सावोन झुबितुइना रेन सावोन लामला छारसोङ, राङ च्याचिउ लेप्ते हति साइसोङ। 5 रेन सावोन टोउ होएताला छारसोङ, काँहा लेइराङ टोउ मिधु, राङ सा तिङरिङमुवा मेताति हति घ्यबो राङ क्येसोङ। 6 हिन्नाङ जब ङिमा स्यारते हति रेछारसोङ, राङ प्हारा मेता ति हति कामछारसोङ। 7 रेन छेरमि उइला छारसोङ, हिन्नाङ छेरमातेबा छारिन लेप्ते हतिला लेसोङ। 8 सावोन रेन ल तेबा साला छारसोङ, राङ रेनयि क्या, राङ रेनयि खलसुम, रेनयि सुम च्यु गुणा ढेबु पिन्देलो।"