मत्ति 15

3 ख्युइ हतिबाला नाइसोङ, "खे याङ चिचाला रेँ लुलामयि चाला कजसुबायि आदेश मिङ्याना? 4 चिचालानाना कजसुबायि नानाइबा होतो, ‘रेँ आके राङ आमायि सम्मान कि,’ राङ आके या आमायि विरोधला छारझुकिन, हति सिकोइ राङ हुन।✝15:4 प्रस्थान २०:१२; २१:१७; व्यवस्था ५:१६; लेवि २०:९ 5 हिन्नाङ खे नेन्दु, सु रेँ आमा या आकेला नेन, ‘ख्युइ ङाने च्हि खु ङ्युइकिन, सो कजसुबाला पुपुला होतो।’ 6 ख्युइ खुरि आकि सम्मान कि मिकोइबा, हति च्वरा क्याइरे खि याङ रेँ लुलामयि चाला कजसुबायि वचनला मासि सोइदु। 7 समनाँतेबा, यशैयायि खि भारेला थारे ङोन्सेखिखिला ना, 8 ‘धि मिबा ङाला खायि मात्रा सम्मान किन्दु, हिन्नाङ हतिबे सम ङाले घ्याबोला होतो।✝15:8 यशैया २९:१३ 9 हतिबा फानमेताला ङाहि बर्त किन्दु, हिन्नाङ हतिबे छोइ मितेबे लालाबि ठिम मात्रा ना।’"