Mateus 18

तिक्पा किङान भाइ वा भैनि

15 "ख्युइ भाइयि ख्युइ विरोध्रला अपराध क्याइना, पुते खे ङि मात्र होतितुइना हति दोष तोन। हति ख्युइ ताम ङ्यान ना, ख्युइ भाइ ख्युरि च्युङदे।✝18:15 लुका १७:३ 16 हिन्नाङ ख्युइ माङ्यान ना राङ ङ्याबो मिरको च्हि वा चिले मा ङि खेर राङ ङि या सुम साछि लाम्ला ताम पोरो पक्का कि।✝18:16 व्यवस्था १९:१५ 17 तेम्बारे हति हतिबे ताम ङ्यानयाप याङ माङ्यान ना, चर्चला नोइ। हति चर्चयि नानाइबा याङ माङ्यान ना, हति ख्युइ चाला यहुदि मान्ते मि राङ कर तुइङान च्वरा ना।"

18 "तेम्बारे, ङा खेला नाज्याइ, खि पिरथिविला च्हि तेमकिन, हति तेङलाला तेमङान ना। तेहि खि पिरथिविला काङ ढोलिन, हति तेङलालाङ ढोलङान ना।" 19 "याङ तेम्बारे ङा खेला नाज्याइ, पिरथिविला खि नाङने ङि ताम ढिक्ते चिगा लाना, हति तेङलायि ङाहि आकेने खि चाला होङान ना। 20 चिचालानाना काँहा ङि या सुम ङाहि मिनला झोमिन, हतिया ङा मितेबे उइला हुन।"