ढो काकालि मि ङि
28 जब खो छोयि फारकान यहला गदरिनियि छेत्रला लेप्सोङ, हतितुइना ढे काकालि मि ङि तुरसाने हुइतुइना खोला ठेसोङ। हतिबा झोम झिझिरा धु, कि सु याङ हतिने होङयाप ढोयाप मिकितालो। 29 हतिबे जु नेन राङ क्ये तोनसोङ, "हे कजसुबायि पिजा, ख्युइ ङे ङ्याबो च्हि सरकार? ङि भेला माछाङि तुका तेरतु ख्योए ङिहा लेलेबा हिनाइ?" 30 हतिबेने आरोङ घ्याबोला फायि तुम छे्या झि छुन ताताता धुलो।8:30 लुका ४:३४ 31 ढेतेबे खोला जु नेनेगा स्युवा क्यापसोङ, "ख्योए ङेला धोन्ना, ङेला फायि तुमयि नाङला स्युतु छ्यु।" 32 तेहि ख्युइ हतिबाला नाइसोङ, "क्यु।" तेहि हतिबा थोन्दे फायि नाङला स्युसोङ, राङ फायि तुम पोरो टाने छो यहला छारसोङ राङ छ्युला नुपते स्यिसोङ। 33 फा छोङानतेबा टोइसोङ राङ भजारला पुते पोरो ताम राङ हति ढे काकालातेबाला च्हि च्युङ पोरो स्यातेलो। 34 तेहि भजारयि मि पोरो येशुला ठातु लेप्सोङ, राङ खोला थोङदे मितेबे हतिबे साने क्यु नाइरे खोला स्युवा क्यापतेलो।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)