Mateus 8

येशुयि रोमि कप्तानयि यक्पुवाला टाक्तु च्युच्युका

5 येशु कफर्नहुम भजारला स्युबितुइना कप्तान झि ख्युइ तेहा लेप्ते स्युवा क्याकाला छेलसोङ। ख्युइ नाइसोङ, 6 "हे प्रभु, ङाहि यक्पुवा लेइराङ स्हुयि चाराङ मि घुलङानयि नाझि तुइरे नाइरे खिमला मालसाला राङ ङ्याङ्याला धु।"

7 येशुयि हतिला नाइसोङ, "ङा लेप्ते हतिला टाक्तु झ्युकच्याइ।"

8 हिन्नाङ घोबायि नाइसोङ, "हे प्रभु," "ख्योएला ङाहि खिमला स्वगात कियापयि झ्योदायि ङा मेता। हिन्नाङ वचन मात्रा नोइ, राङ ङाहि यक्पुवा टाङान ना। 9 चिचालानाना ङा याङ आङकिङानबे हअला होए, राङ ङाहि हअला सिपाहितेबा होतो। ङा च्हि;ङा ‘क्यु’ नेन, तेहि हति ढुन, राङ स्यान झिला ‘सअ’ नेन, तेहि हति हुन। ङाहि यक्पुवाला ‘जु कि नेन, तेहि ख्युइ हति किन।’"

10 ख्युइ ताम थोहिरे येशु ह:लाइसोङ, राङ ख्युइ च्येला होङान मितेबाला नाइसोङ, "ङा तेम्बारे खेला नाज्याइ, इस्राएलला याङ ङाहि झिम छेया हिछे किङान माखुसोङ। 11 ङा खेला नाज्याइ, स्यार राङ नुपने लेइराङ मि होङान ना, राङ अब्राहाम, इसहाक राङ याकुब ङ्याबो तेङलायि राज्ययि भत्यारला त्योएङान ना।✝8:11 लुका १३:२९ 12 हिन्नाङ राज्ययि सन्तन फिला मुन्नाला ढिम्ङा ना। हतिया मितेबा ङुङान ना राङ सो च्हिरु झ्युङान ना।"✝8:12 मत्ति २२:१३; २५:३०; लुका १३:२८-२९ 13 तेहि येशुयि घोबाला नाइसोङ, "क्यु, च्हिरु क्याइरे ख्युइ हिछे क्याइरे, हति च्वरा ख्योएला होङ।" तेहि हति यक्पुवा हतितुइना राङ टासोङ।