मत्ति 9

याइरसयि पोमु राङ नाप्पा पोमुवा टाक्तु च्युच्युका

18 जब येशुयि हतिबाला धि ताम नेन ताताता होतो, तेहि यहुदि झोमसि खिमयि आङकिङान झि लेप्सोङ, राङ खोला छ्या चालदे नाइसोङ, "ङाहि पोमु थाल्लाका स्यिसोङ, हिन्नाङ लेप्ते मुइ थोला ख्युइ लाक्पा पोर, राङ हति सोम्बो होङान ना।" 19 येशु लाँरे राङ ख्युइ लोब्टु ङ्याबो आङकिङानयि च्येला पुइसोङ। 20 हति भेलाला राङ लो च्युनङिने ठा झाङानयि नाझा होएता पुमो झि क्यापने लेप्ते येशुयि कोहिलायि नेमु झिला घुलसोङ।✝9:20 मत्ति १४:३६ 21 चिचालानाना मुइ सम नाङ नाङला टान्दुलो कि, "ङाहि ख्युइ कोहिला झि छुइ क्याइनाङ ङा टाङान ना नाइरे।" 22 फरक्याला क्यापला लक्ते तेतुइना येशुयि हति पुमोला थोङसोङ, राङ नाइसोङ, "पोमु, हिम्मत कि, ख्युइ हिछेयि ख्योएला टाक्तु च्युसोङ।" हति पोमु हति भेलाला राङ टासोङ।

23 तेहि जब येशु आङकिङानयि खिमला क्योपते, ख्युइ लिउ भुङानतेबा राङ मिझोमयि क्ये लोङ कुइलोङ किङान थोङसोङ। 24 ख्युइ हतिबाला नाइसोङ, "फिला क्यु, चिचालानाना नोज्युङते स्यिस्यिया मि धु, हिन्नाङ ङ्याङ्याला धु।" हतिबे खोला कोतेलो। 25 मिझोमला फिला तोन्छारते खो नाङला स्युसोङ, राङ हति पुमोयि लाक्पा सुङसोङ, तेहि हति पुमो हो:प्तेमेला लाँसोङ। 26 हति लाइयि टाइक्ये छेत्र पोरोला टाइक्ये च्युङसोङ।