હિબ્રૂ 9

પૃથ્વી પરના મુલાકાત મંડપમાંની આરાધના

1 હવે પ્રથમ કરારમાં આરાધનાને લગતાં નિયમો હતા અને પૃથ્વીનાં પરના પવિત્રસ્થાન પણ હતા. 2 મુલાકાતમંડપ ઊભો કરવામાં આવ્યો હતો. તેના પહેલાં ભાગને પવિત્રસ્થાન કહેતા હતા, ત્યાં સોનાનું સ્ટેન્ડ, ટેબલ અને અર્પિત રોટલી હતાં. 3 અને બીજા પડદાની પાછળ બીજો ભાગ હતો, તેને પરમપવિત્રસ્થાન તરીકે ઓળખાતો હતો. 4 તે ભાગમાં સોનાની ધૂપવેદી તથા સોનાથી મઢેલો કરારકોશ હતાં. આ કરારકોશમાં માન્ના ભરેલું સુવર્ણ પાત્ર, કળીઓ ફૂટેલી આરોનની લાકડી, અને દસ આજ્ઞાઓ લખેલ બે શિલાપાટીઓ મૂકેલાં હતાં. 5 કરારકોશ પર મહિમાદર્શક કરુબીમ હતા, તેઓની છાયા દયાસન પર પડતી હતી. પરંતુ હમણાં તેઓ સંબંધી અમારાથી સવિસ્તાર કહેવાય એમ નથી.