ઈસુ તેમના શિષ્યોના પગ ધૂએ છે
1 પાસ્ખાપર્વના તહેવાર પહેલાં આગલી સાંજે ઈસુ જાણતા હતાં કે તેમના માટે આ જગતમાંથી પિતા પાસે જવાનો સમય આવી ગયો છે. જગતમાંના પોતાના લોક જેઓના પર તે પ્રેમ રાખતા હતાં, તેઓ પર છેલ્લી ઘડી સુધી પ્રેમ રાખ્યો.
2 રાત્રિભોજન કરતા હતાં, અને સિમોનના દીકરા યહૂદા ઇશ્કરિયોતને શેતાને ઈસુને પરસ્વાધીન કરવાની પ્રેરણા કરી હતી. 3 ઈસુ જાણતા હતા કે પિતાએ તેમને સઘળા વાનાં તેમના હાથમાં સોંપ્યા છે, અને તે ઈશ્વર પાસેથી આવ્યા છે અને પિતા પાસે પાછા જવાનાં છે; 4 તેથી તે જમણ પરથી ઊઠયાં, અને તેમણે પોતાના બાહ્ય વસ્ત્રો ઉતાયાઁ, અને તેમની કમરે ટુવાલ બાંધ્યો. 5 તે પછી તેમણે એક વાસણમાં પાણી રેડયું અને તેમના શિષ્યોનાં પગ ધોવા લાગ્યા, અને વીંટેલા ટુવાલથી તેમને લૂંછવા લાગ્યા.