4 પિલાત ફરી એક વાર બહાર આવ્યો અને ત્યાં ભેગા થયેલા યહૂદીઓને કહ્યું, "જુઓ, હું તેને તમારી પાસે બહાર લાવું છું, જેથી તમને ખબર પડે કે મને તેનામાં કોઈ દોષ માલૂમ પડતો નથી." 5 જયારે કાંટાનો મુગટ અને જાંબુડિયો ઝભ્ભો પહેરેલા ઈસુ બહાર આવ્યા, ત્યારે પિલાતે તેઓને કહ્યું, "અહીં, તે માણસ છે!"

6 તેમને જોતાં જ મુખ્ય યાજકો તથા તેમના અધિકારીઓએ બૂમ પાડીને કહેવા લાગ્યા, "ક્રૂસે જડો! ક્રૂસે જડો!"

પણ પિલાતે જવાબ આપ્યો, "તમે તેને લઈ જઈને ક્રૂસે જડો, મને તો એનામાં કોઈ દોષ દેખાતો નથી."