24 "Ntucenu zahozahoyi ń wo wo əmi aɓədagbma ye jesnu waa zhni apma n ɓai, wo wu ngye əza ceceyi nu n wo mi əwo nyakwnu tu n apmá. 25 Əgbma kwa zhi, adna ɓa kwnu-akpma, jesnu ase ɓa ci kpe n nyakwnu yi; dudulonu to kwa myiya m, ntuge əkwo shnipa ɓə shi tu ń apmá nu. 26 Ama zahozahoyi n wo wo əmi aɓədagbma ye, to woi shi ɓa ɓwa m, wo wu lo ngye mama nu n wo ɓə mi əwo nyakwnu tu n amwi. 27 Əgbma kwa zhi, adna ɓa kwnu-akpma, jesnu ase ɓa ci, ɓai ci kpe n nyakwnu yi, kwaa vyiya vnyanya."