* 1 Adieke prọfed, me awo a-akamake ndab atañ abaña ini iso adiighe ke atu ndufo anyʌñ aditañ idiọọñọ me utịppeñkpọ, 2 ndin akpedo idiọọñọ me utịppeñkpọ ado aditịppe, ndin prọfed ado ate, "Yak ñnyịn ikeene mme abasi mfen" (mme abasi a-ndufo imiidiọọñọke) "ndin yak ñnyịn ikpono ammọ," 3 inaaha ekop ikọ prọfed me adappa ndab ado. Abọọñ Abasi ndufo idomo ndufo idomo ase me ndufo emema anye ke afịd esịd ye ke afịd ukpọñ ndufo. 4 Abọọñ Abasi ndufo kpọd ke ana ekeene, anye kpọd ke ana eteeñe. Inịm mme item amọ inyʌñ ikop item amọ; inam ñkpọ inọ anye inyʌñ ifat anye ikama. 5 Ana ewot prọfed me adappa ndab ado ke anye adidọọñ ndufo ewọññọ ekpọñ usʌñ Abọọñ Abasi ndufo, a-akisioho ndufo ke isọñ Iyib anyʌñ ifak ndufo ke isọñ ufʌn. Prọfed ado me adappa ndab ado akeyem usʌñ adisio ndufo ñkpọñ usʌñ A-Abọọñ Abasi ndufo akiwuuho ndufo abo esaña. Ana esio idiọọkñkpọ ado ke atu ndufo.

6 Adieke ataa ayịneka mfo awodeen, me ayịn mfo awodeen me awonwaan, me ataa anwaan a-afo amaaha, me ufan ntandia mfo ke ndịbe-ndịbe utap fiin abo, "Di nọ ñnyịn ika ikikpono mme abasi mfen" (mme abasi a-adooho ndufo me eteete ndufo idiọọñọke, 7 mme abasi mbon e-edʌññọ ikanna ndufo, me ke ñkped-ñkped me ke anyan usʌñ, tọọñọ ke utịd isọñ keed tutu akesịm utịd uko), 8 ikiinyịmme ikiinyʌñ ikpañ utọñ inọọ ammọ. Ikiitua ammọ mbọm. Ikiiyaak ammọ ikiinyʌñ idịp ammọ. 9 Ana ewot ammọ. Ubọk mfo ana ado akpa adiwot ammọ ndin ubọk afịd awo ediana. 10 Itọọñ ammọ ke itiad iwot, sia ammọ ekeyem ediwọññọ ndufo ñkpọñ Abọọñ Abasi ndufo, a-akibenne ndufo asio ke Iyib, ke isọñ ufʌn. 11 Ndin afịd Isrel eyaekop, ndin ndịk anyʌñ amʌm ammọ, ndin awo ndomokeed idiinamma utọ idiọọkñkpọ ado aba.

12 Adieke ekoppo naña etañ ebaña keed ke atu mme abio A-Abọọñ Abasi ndufo adiinọ ndufo nọ edʌñọ 13 ke mbon ntịme edakka eda ke atu ndufo enyʌñ edat mbon abio ammọ etịn usʌñ, ete, "Yak ñnyịn ika ikikpono mme abasi mfen" (mme abasi a-ndufo imiidiọọñọke), 14 ndin ana ebịp, eduuñọ ayọhọ-ayọhọ. Ndin akpedo akpanikọ ndin ewọt ke e-enam mbubiam ñkpọ ami ke ufọọd ndufo, 15 ana ewot afịd awo se idʌñ ke abio ado ke akañkañ. Ana esobo abio ado afịd-afịd, mme awo ye ufene. 16 Ana ekoono afịd mbịme abio ado eka ke ufọọd asan ndin efọp ataa afịd abio ado ye afịd mbịme nte ufọfọb uwa enọ Abọọñ Abasi ndufo. Abio ado ana aba ke nsobo ke nsi-nsi, inaaha emaana ebọp anye, 17 ndin ke ekịt ñkpọ nsobo ndomokeed ke ubọk ndufo. Ndin Abọọñ idiikoppo aba ifiobesịd, ayaawọt ima, ayaanyʌñ itua ndufo mbọm. Anye ayaanam ndufo ewak, kpa naña Anye akenwọñọ ke unwọñọ anọ mme eteete ndufo, 18 sia ndufo emekop item Abọọñ Abasi ndufo ke edinịm mme item amọ a-ami inọọhọ ndufo mfịn ami enyʌñ enam se ifọn ke anyen amọ.