1 Moses amaakoot afịd Isrel ndin abo: Isrel, ikop mme ewʌhọ ye mme mbed a-ami ntañña isịn ndufo ke utọñ mfịn ami. Ikpeep ammọ inyʌñ ikịt ibo ke emenam ammọ. 2 Abọọñ Abasi ñnyịn amaanam edioomo ye ñnyịn ke Họreb. 3 Ikidooho ye mme eteete ñnyịn ke Abọọñ akenam edioomo ami, ado akedo ye afịd ñnyịn i-iduuho uwem mfịn ami. 4 Abọọñ amaatañ ikọ ye ndufo iso ye iso ato ke ikañ ke anyọñ abod. 5 (Ke ini ado ami ñkesịne ke ufọọd Abọọñ ye ndufo adisiak ikọ Abọọñ inọọ ndufo, sia ndufo ekekoppo ndịk ikañ ikinyʌññọ idọọk ikaa abod ado.) Ndin anye amaabo:

6 "Ami ndo Abọọñ Abasi ndufo, ami ñkisio ndufo ke Iyib, ke isọñ ufʌn."

7 "Ndufo inaaha enie mme abasi mfen ke amaaboiyo ami.

8 Ndufo inaaha enam usọsọi ñkpọ enọ idem ndufo ke mbid ñkpọ ndomokeed ke anyọñ me ke idak isọñ me ke esịd mmọọñ. 9 Ndufo inaaha etuak iwuod enọ ammọ me enyʌñ ekpono ammọ; sia ami, Abọọñ Abasi ndufo, ndo Abasi ufịb, mmia nditọ ufen idiọọkñkpọ mme ete ammọ tutu awuọ emana ita ye inaañ mbon e-ensuaha miin, 10 ado ñwọt ima nnọ mme emana tọsịn mbon e-emmaaha miin enyʌñ enịm mme mbed mmi.

11 Ndufo idiidatta anyịñ Abọọñ Abasi ndufo isịn ke ndek, sia Abọọñ idiifeene inọ awo a-asịnne anyịñ amọ ke ndek.

12 Ikpeme usen Sabad ke edinịm anye asana, kpa naña Abọọñ Abasi ndufo itemme ndufo. 13 Ke usen itiokeed ke ndufo enie edinam afịd utom se enie edinam, 14 ado ayọhọ usen itiaba ado sabad anọ Abọọñ Abasi ndufo. Ke usen ado ndufo idiinamma utom ndomokeed, me ndufo, me nditọ ideen, me nditọ ibaan, me ayịnufọk ndufo awonwaan, me ayịnufọk ndufo awodeen, me ayaara enañ ndufo, me dọñki ndufo, me unam ndufo ndomokeed, me adidʌñ e-edʌññọ ke mme abio ndufo; ke ntoro mme nditọufọk ndufo ideen mme ibaan eyaeduọk adudu, kpa naña ndufo eduọk. 15 Itoiyo ke ndufo ekedo ifʌn ke Iyib ndin ke Abọọñ Abasi ndufo akenyan akwa ubọk amọ ifak ndufo asio. Ke ntoro Abọọñ Abasi ndufo anịm mbed ate ekpeme usen Sabad.

16 Kpono ete ye eka, kpa naña Abọọñ Abasi ndufo anọ mbed, nọ ndufo edu uwem ekpeene ñko nọ ñkpọ anyʌñ ifọn ndufo ke isọñ A-Abọọñ Abasi ndufo inọọhọ ndufo.

17 Ikiiwot awo.

18 Ikiisịn efịbe.

19 Kuuyịp inọ.

20 Ikiitie ntiense nsu idian mbọhọidʌñ ndufo.

21 Ikiisịn anyen ke anwaan mbọhọidʌñ ndufo. Ikiisịn anyen ke ufọk mbọhọidʌñ ndufo me ke isọñ, me ke ayịnufọk awodeen me ayịnufọk awonwaan amọ, me ayaara enañ me dọñki, me ñkpọ ndomokeed a-anieghe mbọhọidʌñ ndufo."

22 Ami edo mme mbed A-Abọọñ atañña ke akpọsọñ uyio anọ afịd atu awo ke abod, a-atooho ke ikañ, ke ntọñanyọñ ye ke akpọsọñ ekịm; anye ikinyʌññọ idian ñkpọ mfen aba. Ndin anye amaawet ke anyọñ itiadñwed iba ayaak annọ miin.

23 Ini a-ndufo ekekoppo uyio a-atooho ke ekịm, ke ini ikañ akesakka ke ekamba abod, afịd mme adadusʌñ ye mme ñkpisọñ esiin ndufo emaedi embịne miin. 24 Ndin ndufo emaebo, "Abọọñ Abasi ñnyịn iwọt ñnyịn ubọọñ amọ ye uku amọ, ndin ñnyịn imikop uyio amọ ke ikañ. Mfịn ami ñnyịn imikịt ke awo akeme adidu uwem adieke Abasi atañña ikọ ye anye. 25 Ndin idahami, ntak a-ñnyịn ikpikpaññakee? Ekamba ikañ ami ayaisobo ñnyịn, ndin ñnyịn iyaikpa adieke ñnyịn isʌkkọ ikaa iso ikop uyio Abọọñ Abasi ñnyịn. 26 Sia kpaanam, anie awo akop uyio aduuwem Abasi a-awuọhọ ke ikañ, naña ñnyịn ikop, ndin adu uwem? 27 Saña kpere nyʌñ kpañ utọñ nọ afịd se Abọọñ Abasi ñnyịn abo. Ndin idọkkọ ñnyịn se anye akpetatañ unọọ fiin. Ñnyịn iyaikpañ utọñ inyʌñ inam."

28 Abọọñ amaakop idaha a-ndufo eketañña ikọ ye ami, ndin Abọọñ amambo miin, "Ami mmekop se mbon ami udọkkọ fiin. Afịd se ammọ etañ a-afọn. 29 Akpekapado esịd ammọ e-ewọññọ eñkeene miin ye uteeñe enyʌñ enịm mme mbed mmi afịd ini, nọ ato do afọn ye ammọ ye nditọ ammọ ke nsi-nsi!

30 "Kaa, bo ammọ enyọñ edi atayad ammọ. 31 Ado afo tie mi ye ami nọ ami unọ afịd item, ewʌhọ ye mbed a-afo anaaha akpeep ammọ nọ enam ke isọñ a-ami nnọọhọ ammọ mbo edat enie."

32 Ndin inekke ikpeme inyʌñ inam se Abọọñ Abasi ndufo abo ndufo enam; ikiiwọññọ idʌk nnasia me ufiin. 33 Isaña ke ñkobitem ke afịd se Abọọñ Abasi ndufo iwuuk ndufo, nọ ndufo edu enyʌñ eforo, uwem ndufo anyʌñ akpeene ke isọñ a-ndufo edatta enie.