1 Ke utịd afịd isua itiaba ana ebiat mme isọn efep. 2 Naña ediinam ado ami: Afịd mme anọọ ewuọd ke akʌk, ana ebiat se utọ ewuọd ammọ ekenọọhọ emọ-emọ awo Isrel efep. Inaaha ammọ edibọ mbon ammọ isọn aba, sia ini Abọọñ adibiat ukpe isọn mfep adikem. 3 Emekeme edibịp asenawo isọn, ado ana ebiat isọn akeedodo e-emọ-emọ awo Isrel ikamake ndufo. 4 Kpayeado, ibaaha ntak a-mbon uweene ekpebaaha ke atu ndufo, sia ke isọñ A-Abọọñ Abasi ndufo inọọhọ ndufo nọ edat enie nte udeemeñkpọ ndufo, anye ayaanekke idiọñ ndufo, 5 adieke ndufo ekappa ekop item Abọọñ Abasi ndufo enyʌñ ekpeme adinam afịd mme item amọ a-ami inọọhọ ndufo mfịn ami. 6 Sia Abọọñ Abasi ndufo ayaidiọñ ndufo kpa naña anye amaakenwọñọ, ndin ndufo eyaenọ uwak mme idịd ewuọd ado ndufo idiiwuọdọ ito awo ammọ ndomokeed. Ndufo eyaekara uwak mme idịd ado ibaaha anye se idiikaara ndufo.

7 Adieke awo ndomokeed adooho uweene ke atu ndufo mbon Isrel ke mme abio ndomokeed ke isọñ A-Abọọñ Abasi ndufo inọọhọ ndufo, ikiisọñ esịd ikiinyʌñ ifaam efaam ibaña utọ ibon ado. 8 Utu ke ado itat ubọk inyʌñ iwuọt ammọ ñkpọ se ammọ eyem ke ntadubọk. 9 Inekke ikpeme mbaak ndufo idinie akikere ibak ami: "Ayọhọ isua itiaba, isua ubiat isọñ, asʌk akpere," mbaak ndufo idinie idiọọk akikere ibaña mbon unana ke atu mbon Isrel inyʌññọ inọ ammọ unwam ndomokeed. Ammọ ndin eyaeseeme enọ Abọọñ ibaña ndufo, ndin eyaekịt ndudue idiọọkñkpọ inọ ndufo. 10 Inọ ammọ ke ntadubọk, idooho ke ifịkesịd; ndin ke ntak ami Abọọñ Abasi ndufo ayaadiọñ afịd utom ndufo ye afịd ñkpọ se ubọk ndufo atuuk. 11 Mme uweene ediisʌk ibaba ke isọñ. Ke ntoro ami mmiiwuuk ndufo, itat ubọk ifọn mfọn ibaña emọ-emọ mbon Isrel e-edooho uweene enyʌñ eyem unwam ke isọñ ndufo.

12 Adieke awo ndomokeed ke atu ndufo, ideen me ibaan Hibru, enyamma idem ammọ inọọ ndufo enyʌñ enam ñkpọ inọọ ndufo ke isua itiokeed, ke ayọhọ isua itiaba ana ndufo eyaak ammọ enyọñọ. 13 Ndin umaukpọk ammọ uyaak, kuunọọ ammọ enyọñọ ubọk ñkaña. 14 Isio ke atu udịmedọñ ndufo, afe ubeek abakpa ndufo, afe unam ukọd ndufo inọ ammọ ke ntadubọk. Inọ ammọ ikeene naña Abọọñ Abasi ndufo idiọñ ndufo. 15 Itoiyo ke ndufo emaedo ifʌn ke Iyib ndin Abọọñ Abasi ndufo amaifak ndufo. Ntak ado anam ami inọ ndufo item ami mfịn ami.

16 Ado adieke ayịnufọk mfo ubooho fiin ate, "Ami ñyemme adukpọñ fiin," sia anye uma fiin ye ufọk mfo ndin anyʌñ afọn ye anye adiba ye afo, 17 ndin dat akuum tịppe anye utọñ dian ke itịm, ndin anye ayaado ayịnufọk mfo ke nsi-nsi. Nam ukem ado ye ayịnufọk mfo awonwaan.

18 Kuudat nte akpọsọñ ñkpọ adisio ayịnufọk mfo unyọñ, sia utom a-ammọ enamma unọọ ke isua itiokeed ado akem akpekpe awo utom akañ iba. Ndin Abọọñ Abasi mfo ayaudiọñ fiin ke afịd ñkpọ se anam.

19 Sio nịm asaña-asaña nọ Abọọñ Abasi ndufo afịd asiakidịb ayaara ke atu udịmenañ ye udịmedọñ ndufo. Ikiiyak asiakidịb ke mme umanenañ ndufo anam utom, ikiinyʌñ ikwaat ided asiakidịb edọñ ndufo. 20 Kwa isua afo ye ufọk mfo ana eta ammọ ke iso Abọọñ Abasi ndufo ke itie a-anye adiimek. 21 Adieke unam anieghe ndo, ado mbʌñọ me nnan, me anie idiọọk ndo, inaaha adat anye anam uwa anọ Abọọñ Abasi ndufo. 22 Ana ndufo eta anye ke mme abio ndufo. Mbon awo se imiisanake ye mbon awo se isana ekeme adita anye, nte akpedo edob me ebed. 23 Ado inaaha edia iyiib ado; iduọk anye ke isọñ nte mmọọñ.