1 Ndin Abọọñ amaabo Moses ate, 2 "Dọkkọ nditọ Isrel ate yak etịmme edem ekeba ekpere Pi Hahirọd, ke ufọọd Mikdol ye akpainyañ. Yak ammọ enam nnaaekọñ ke mben akpainyañ, ke nsakiso Baal Sefọn. 3 Fero adiikere ibo, ‘Nditọ Isrel esʌk edutịn ke afịd isọñ ke ndutịme, akpautatan akanna ammọ akʌk.’ 4 Ndin ami ñyaanam esịd Fero asọñ, nọ anye abịne ammọ. Ado ami ñyaabọ ubọọñ nnọ idem mmi nto Fero ye afịd udịmekọñ amọ, ndin mbon Iyib eyaediọọñọ ke ami ndo Abọọñ." Ndin nditọ Isrel emaenam naña ekedọkkọ ammọ.

5 Ke ini ekedọkkọke adidem Iyib ke nditọ Isrel emaefeeñe enyọñọ, Fero ye mme ñkpisọñ amọ emaekpəho akikere ebaña ammọ enyʌñ ebo, "Nsoo ke ñnyịn inam ami? Ñnyịn imiyaak nditọ Isrel enyọñọ, inyʌñ itaba mme utom ammọ ekesinamma inọọ ñnyịn." 6 Ke ntoro, anye amaabeeñe idem ye sariọd ekọñ amọ, anyʌñ akoono mbon ekọñ amọ. 7 Anye amaakoono sariọd ikie itiokeed se ifọọn ikan, adian ye afịd mme sariọd mfen ke Iyib, adọñ ikpọ mbon ekọñ ayọhọ. 8 Abọọñ amaasọñ Fero adidem Iyib esịd, nọ anye abịne nditọ Isrel, e-ekesañake uko-uko ewuọñọ enyọñọ. 9 Mbon Iyib, afịd mme enañmbakara ye sariọd ekọñ Fero, mme andiwad enañmbakara ye mbon ekọñ emaebịne nditọ Isrel, enyʌñ ekekpịkke ammọ iso ke itie a-ammọ ekebaaha ke mben akpainyañ a-akpereke Pi Hahirọd, ke nsakiso Baal Sefọn.

10 Fero akedikpere, nditọ Isrel emaedịppe anyen ese, ndin sese nditọ Iyib naña esaña ke udịm ebịne ammọ. Akpọsọñ ndịk amaanam ammọ, ndin ammọ emaebọñ ñkpo eseeme enọ Abọọñ. 11 Ammọ emaebịp Moses ete, "Ado nte udi ibaññake ke Iyib nọ afo ikoono ñnyịn nọ idikpañña ke akpautatan? Nsoo ke afo anam ami ye ñnyịn, nọ afo isịññe ñnyịn asio ke Iyib? 12 Ado nte ñnyịn ikubooho fiin ke isọñ Iyib ite, ‘Isaana ñnyịn iyaak nọ ñnyịn ido nditọufọk inọ mbon Iyib?’ Akpaakefọn ñnyịn adinam utom nnọọ nditọ Iyib akan ñnyịn adidikpañña ke akpautatan!"

13 Moses amaabọọrọ ammọ ate, "Ikiikop ndịk. Inie nsọọñọnda ndin ndufo eyaekịt adinyaaña ake Abọọñ adiinọ ndufo mfịn. Mbon Iyib a-ndufo ekịtte mfịn mi, ndufo idiikịtte ammọ aba ke nsi-nsi. 14 Abọọñ ayaanwana inọ ndufo; ndufo ikap isọñ ida."

15 Akema Abọọñ amaabo Moses, "Nsoo ido nọ afo atua aseeme annọ miin? Dọkkọ nditọ Isrel bo yak ammọ eka kpa iso. 16 Dịppe esañ mfo nyʌñ sio ubọk mfo nyan ke akpainyañ nọ abakka mmọọñ nọ nditọ Isrel esaña ke ufọọd akpainyañ eboiyo ke nsaad isọñ. 17 Ami ñyaasọñ mbon Iyib esịd nọ ammọ eboiyo edʌk ebịne nditọ Isrel. Ndin ami ñyaabọ ubọọñ nto Fero ye mbon ekọñ amọ, nto mme sariọd ekọñ ye mme andiwad enañmbakara amọ. 18 Mbon Iyib eyaediọọñọ ke ami ndo Abọọñ ke mmabọ ubọọñ nto Fero, mme sariọd ekọñ amọ ye mme awat enañmbakara amọ."

19 Ndin enyere Abasi, a-akesañake ke iso mbon ekọñ Isrel, amaatịmme akanna akesaña ke edem ammọ. Adaaha ntọñanyọñ amaanyʌñ awọññọ ke iso akeda ke edem ammọ, 20 ke ufọọd mbon ekọñ Iyib ye ake Isrel. Afịd akonayio ntọñanyọñ amaaben ekịm asịn ke mbeñ keed anyʌñ anọ unwana ke mbeñ uko; ndin ukañ umi isañake ikikpere ukañ uko ke afịd akonayio.

21 Akema Moses amaasio ubọk anyan ke akpainyañ, ndin afịd akonayio ado Abọọñ amaanam afịm usakkautịn akpuut mmọọñ akpainyañ atịme edem, anyʌñ anam anye akappa ado nsaad isọñ. Mmọọñ amaabakka iba, 22 ndin nditọ Isrel emaesaña eboiyo ke ufọọd akpainyañ ke nsaad isọñ, ye ndibene mmọọñ ke nnasia ye ke ufiin ammọ.

23 Mbon Iyib emaebịne ammọ, afịd mme enañmbakara ye mme sariọd ye mme awat enañmbakara Fero emaebịne ammọ ekewuọ esịd akpainyañ. 24 Ke ñkịmñnwaña akonayio, Abọọñ amaatie ke adaaha ikañ ye ntọñanyọñ ase mbon ekọñ Iyib anyʌñ asịn ammọ ke ndutịme. 25 Anye amaayʌttọ mme ikara ukod sariọd ekọñ ammọ adian, anam ammọ enie mfịna adiwat. Ndin nditọ Iyib emaebo, "Yak ñnyịn itịmme edem ikpọñ nditọ Isrel! Abọọñ Abasi ada ye ammọ anwana ekọñ ye ñnyịn."

26 Akema Abọọñ amaabo Moses ate, "Sio ubọk mfo nyan ke akpainyañ nọ mmọọñ afeghe atịmme akefʌk nditọ Iyib ye sariọd ekọñ ammọ ye mme andiwat enañmbakara." 27 Moses amaasio ubọk amọ anyan ke akpainyañ, ndin ayio akesiere akpainyañ amaatịmme akeda ke itie amọ. Mbon Iyib ekesʌk efeeñe eka udo, ndin Abọọñ amaakpuut ammọ adọñ ke esịd akpainyañ. 28 Mmọọñ amaafeghe atịmme akefuuk mme sariọd ekọñ ye mme andiwad enañmbakara, ye afịd mbon ekọñ Fero e-ekebịneke nditọ Isrel edʌk esịd akpainyañ. Awo ammọ ndomokeed ikibọkkọke.

29 Ado nditọ Isrel emaesaña eboiyo ke akpainyañ ke nsaad isọñ, ye ndibene mmọọñ ke nnasia ye ke ufiin ammọ. 30 Abọọñ amaanyaaña Isrel asio ke ubọk nditọ Iyib, Isrel emaenyʌñ ekịt naña nditọ Iyib ekpañña ebono ke mben esʌk. 31 Ndin ke nditọ Isrel emaekekịt naña akpọsọñ ubọk Abọọñ akenwana ye nditọ Iyib, ammọ emaebaak Abọọñ enyʌñ ebuọt idem ye anye ye Moses isʌñutom amọ.