1 Besalel amaanam akebe edioomo ke eto akasia, kubid iba ye ubaak ke unyọọñ, kubid keed ye ubaak ke ukpa, ye kubid keed ye ubaak ke ukoñ.* 2 Anye amaadat ataa uyaiya eti kold afʌk ke anyọñ amọ, ke esịd ye ke edem, anyʌñ abot kold akanna anye. 3 Anye amaabot ikara kold inaañ anọ anye, anyʌñ akọp ammọ adian ke ukod ammọ inaañ, ye ikara iba ke ukod keed, ye iba mfen ke ukod anye ako. 4 Anye amaanam adaaha ke eto akasia anyʌñ akama kold afʌk ammọ. 5 Ndin anye amaasịn mme adaaha ado ke ndudu ikara ke mme mbeñ akebe edioomo nọ adiiben anye.

6 Anye amaanam ufʌkñkpọ itie ñkpeubọk ado ke ataa kold, kubid iba ye ubaak ke unyọọñ ye kubid keed ye ubaak ke ukpa. 7 Ndin anye amaadat utetịm kold abot serubim iba ke utịd afọñ ufʌkñkpọ. 8 Anye amaanam serub keed aba ke edem keed, ye ayọhọ serub iba ke edem uko; ndin ke utịd naña iba anye amaanam ammọ edo keed ye ufʌkñkpọ. 9 Mme serubim emaetaara mba ammọ ewọt anyọñ, enyʌñ ekwe ammọ. Mme serubim ekesak iso ese emọ-emọ.

10 Ammọ* emaenam akpokoro ke eto akasia, kubid iba ke unyọọñ, kubid keed ke ukpa, ye kubid keed ye ubaak ke ukoñ.* 11 Ndin ammọ emaekama ataa eti kold efʌk anye, enyʌñ ekama kold ebod ñkpọ ekanna anye. 12 Ammọ emaenyʌñ enam ekanna mben inua amọ ñkpọ nte ayọhọ ekpaubọk keed* enyʌñ esịn kold e-ebọppọ ke mbad ke mben amọ. 13 Ammọ emaebọp ikara kold inaañ enọ akpokoro enyʌñ ekọp ammọ ke inuuk mbañ inaañ, ke itie a-mme ukod inaañ ado ekebaaha. 14 Emaenam mme ikara ado ekpere mben nọ amʌm eto a-akamake akpokoro akama. 15 Ekedat eto akasia enam mme ukod akpokoro, enyʌñ edat kold efʌk ammọ. 16 Ndin ammọ emaedat ataa eti kold enam mme ñkpoduoho se edot ke akpokoro, mme usan amọ ye mme ikpañ ye mme abọwịd ye mme atu se edat etọkkọ ukọd uwa.

17 Ammọ emaenam ñkpọ udod utuenikañ ke ataa eti kold. Emaetuak idak ye mbañ amọ esio edi, enyʌñ enam anye aba nte mme kọọb usịn ñkpokpoñ, mme emịne ye nseghe mfañ, afịd ke eboho keed. 18 Ñkọk itiokeed emaesakka ke ñkañ keed udod utuenikañ, ita ke ñkañ keed, ita mfen ke ukañ uko. 19 Kọọb ita e-ebaaha nte ñkpokpoñ mmansañ mbakara ye mme emịne ye mme eboho ñkpokpoñ emaeba ke ñkọk keed, ita ke ñkọk mfen, ndin ukem-ukem ke afịd mme ñkọk itiokeed, etaara eto itie udod utuenikañ. 20 Ndin ke udod utuenikañ, iko inaañ e-ebaaha nte ñkpokpoñ mmansañ mbakara a-ayọhọke ye mme emịne ye mme eboho ñkpokpoñ emaeba. 21 Emịne keed aketịppe ke idak akpa ñkọk a-atarake akesịm itie udod utuenikañ, ayọhọ emịne iba ke ayọhọ ñkọk iba, ndin ayọhọ ita ke itie ayọhọ ñkọk ita, ñkọk itiokeed ke afịd. 22 Mme emịne ye mme ñkọk ami ekediana itie keed ye udod utuenikañ, e-ekekamake ataa eti kold enam.

23 Ammọ emaenam utuenikañ amọ itiaba, ukem ñko ye ufadñkpọ afọñ utuenikañ ye usan ikañ ado ataa kold keed. 24 Ammọ emaenam mme udod utuenikañ ye afịd ñkpọ amọ eto * ataa nsọñudua eti talen kold keed.

25 Ammọ emaenam akpokoro ufọp insensi ke eto akasia. Akedo mbañ inaañ, kubid keed ke unyọọñ ye kubid keed ke ukpa ye kubid keed ke ukoñ,* mme nnʌk ammọ edo ifre keed ye anye. 26 Ammọ emaefʌk abom ye afịd mme mbañ ye mme nnʌk ammọ ke eti kold, enyʌñ ekama kold ebot ñkpọ ekanna anye. 27 Ammọ emaenam ikara kold iba ekanna idak amọ, iba-iba ke nsakiso mbañ ammọ, adimʌm mme mboi ekekamake eben anye. 28 Emaenam mme mboi ke eto akasia enyʌñ efʌk ammọ ke kold.

29 Emaenyʌñ enam adisana adan udodubọk ye inem ufịk insensi, utom atem a-pefium.