Tabanakịd Abasi
1 "Nam nọ tabanakịd anie afọñ ikpeghe duob ke ataa uyaiya afọñ linen etuakkatuak ye bru afọñ, iduod-iduod ye ndad-ndad udʌk, ndin yak ata adiọọñọ utom anyʌñ adọk serubim asịn ke esịd ammọ.
7 "Ben ided ebod nam afọñ ikpeghe nọ atayad itie tabanakịd; afịd ana ado duob mme keed. 14 Nam ufʌkñkpọ e-ekamake ided akukịmedọñ e-enyiine ke akukịn nọ anyen ado ndad-ndad nọ atayad ami. Ke akanna ado, dot ufʌkñkpọ a-adooho ataa eti uduud ikpa26:14 Se ke Eksọdọs 25:5 se isọñ idem ke anye.
15 "Nam nnen-nnen abọbọọk usʌñ ke eto akasia nọ tabanakịd26:15 Ñkpọ nte ikpad 15 ke unyọọñ ye ikpad 2 1/4 ke ukpa me ñkpọ nte mita 4.5 ke unyọọñ ye sentimita 68 ke ukpa.
31 "Nam ata adiọọñọ ubọkutom anam afọñ ikpeghe ke bru, iduod-iduod ye ndad-ndad udʌk ye ataa eti linen, anyʌñ adọk serubim asịn ke esịd ado. 33 Kọọñ mme afọñ anyenusʌñ ke ekọp, ndin nịm akebe edioomo mbed ke edem itie afọñ ikpeghe. Afọñ ikpeghe ana ayaabakka Adisana Itie asio ke Ataa Adisana Itie.