Esịd Akwere
9 "Bọp esịd akwere nọ tabanakịd Abasi. Edem ukañ usuuk adiido kubid ikie27:9 Ñkpọ nte ikpad 150 me ñkpọ nte mita 45; se ke Eksọdọs 27:11 ke unyọọñ, ndin mme afọñ anyenusʌñ amọ ana ado ataa eti udọdọk linen, 10 ye mboi edịb ye brọns edịb ke idak, ndin ye mme ekọb silfa ye mme idiọọñọ ke mboi amọ. 11 Ukañ anyọñ-anyọñ ñko ana ado kubid ikie ke unyọọñ, ndin ana anie mme afọñ ikpeghe, ye mboi edịb ye brọns edịb ke idak, ye mme ekọp silfa ye mme idiọọñọ ke mboi ami.
12 "Utịd ukañ usobutịn esịd akwere ana ado kubid aba mme duob27:12 Ñkpọ nte ikpad 75 me ñkpọ nte mita 23; se ke Eksọdọs 27:13 ke ukpa, anyʌñ anie afọñ ikpeghe, ye adaaha duob ye idakisọñ duob ñko. 13 Ke edem usakkautịn, ke ukañ u-utịn asitooho asakka, esịd akwere ana ado kubid aba mme duob ñko ke ukpa. 14 Mme afọñ ikpeghe enyọọñọ kubid duob mme ition27:14 Ñkpọ nte ikpad 23 me ñkpọ nte mita 6.8; se ke Eksọ 27:15 ana eba ke ntondʌk, ye adaaha ita ye idakisọñ ita ñko. 15 Mme afọñ ikpeghe kubid duob mme ition ke unyọọñ ana eba ke mbeñ uko, ye adaaha ita ye idakisọñ ita.
16 "Ke ntondʌk esịd akwere, yịt afọñ ikpeghe a-adooho kubid edịb27:16 Ñkpọ nte ikpad 30 me ñkpọ nte mita 9 ke unyọọñ, yak ado bru, ye iduod-iduod, ye ndad-ndad udʌk ye ataa eti afọñ linen edọkkọdọk, utom awo andidọk ñkpọ, ye eto adaaha inaañ ye idakisọñ inaañ. 17 Afịd mme abọbọọk usʌñ e-ebaaha ke esịd akwere ana enie idiọọñọ silfa ye mme ekọb, ye brọns ke idak. 18 Esịd akwere ana ado kubid ikie ke unyọọñ, anyʌñ ado kubid aba mme duob ke ukpa,27:18 Ñkpọ nte ikpad 150 ke unyọọñ ye ikpad 75 ke ukpa me ñkpọ nte mita 45 ke unyọọñ ye mita 23 ke ukpa ye ataa eti afọñ linen a-adooho kubid ition27:18 Ñkpọ nte ikpad 7 1/2 me ñkpọ nte mita 2.3 ke anyan, ye mme brọns nte itiad ke idak amọ.