Akebe Edioomo
1 Besalel amaanam akebe edioomo ke eto akasia, kubid iba ye ubaak ke unyọọñ, kubid keed ye ubaak ke ukpa, ye kubid keed ye ubaak ke ukoñ.37:1 Ñkpọ nte ikpad 3 3/4 ke unyọọñ ye ikpad 2 1/4 ke ukpa ye ke ukọñ me ñkpọ nte mita 1.1 ke unyọọñ ye mita 68 ke ukpa ye ke ukoñ; kpa ntoro ke Eksọdọs 37:6 2 Anye amaadat ataa uyaiya eti kold afʌk ke anyọñ amọ, ke esịd ye ke edem, anyʌñ abot kold akanna anye. 3 Anye amaabot ikara kold inaañ anọ anye, anyʌñ akọp ammọ adian ke ukod ammọ inaañ, ye ikara iba ke ukod keed, ye iba mfen ke ukod anye ako. 4 Anye amaanam adaaha ke eto akasia anyʌñ akama kold afʌk ammọ. 5 Ndin anye amaasịn mme adaaha ado ke ndudu ikara ke mme mbeñ akebe edioomo nọ adiiben anye.
6 Anye amaanam ufʌkñkpọ itie ñkpeubọk ado ke ataa kold, kubid iba ye ubaak ke unyọọñ ye kubid keed ye ubaak ke ukpa. 7 Ndin anye amaadat utetịm kold abot serubim iba ke utịd afọñ ufʌkñkpọ. 8 Anye amaanam serub keed aba ke edem keed, ye ayọhọ serub iba ke edem uko; ndin ke utịd naña iba anye amaanam ammọ edo keed ye ufʌkñkpọ. 9 Mme serubim emaetaara mba ammọ ewọt anyọñ, enyʌñ ekwe ammọ. Mme serubim ekesak iso ese emọ-emọ.