Yosef Asọọñọ Nditọete Amọ Idem
15 Ke ini nditọete Yosef ekekịtte ke ete ammọ amaakpa, ammọ emaebo, "Nsoo idiitịppe adieke Yosef anieghe udu ibaña ñnyịn ndin, anye isio ñnyịn usiene ke afịd ukwaññkpọ se ñnyịn ikinam anye?" 16 Ndin ammọ emaedọñ utom enọ Yosef, ete, "Ete mfo amainọ ñnyịn item ami mbemiso anye akpa: 17 ‘Se ndufo ediitañ ye Yosef ado ami: Ami mmubeeñe fiin nte adakka anọ nditọete mfo ke mme idiọọkñkpọ ye mme ukwaññkpọ a-ammọ ekenamma ke adidiọọk ido ye afo.’ Mbọk feen mme idiọọkñkpọ mme nditọufọk Abasi mme ete ndufo." Ke ini etob ammọ akedisịmme Yosef, anye amaatua.
18 Akema nditọete amọ emaedi, ediduọññọ ke isọñ ke iso amọ ebo. "Ñnyịn idoñño ifʌn mfo."
19 Ado Yosef amaabo ammọ, "Ikiifeghe ndịk. Nte ami ndo Abasi? 20 Ndufo ekeyem innam miin idiọọk, ado Abasi amaakappa anam ado eti, nọ anyaaña uwem uwak awo. 21 Ke ntoro, ikiifeghe ndịk. Ami ñyaase ñkpọ ibaña ndufo ye nditọ ndufo." Anye amaasọọñọ ammọ idem, anyʌñ atañ ifuuro-ifuuro ikọ ye ammọ.