Mateus 17

Jisọs Ọsuhọde Edi Isọñ

14 Ke mmọ ema ekedisim otu owo, owo kiet ama edi editọñọ edọñ ke iso Jisọs. 15 "Ete, tua eyen mi mbọm, koro enye edi owo ndisi, enye onyuñ odu ke akamba ndutuhọ; kpukpru ini enye ọdọduọ oduk ikañ mme mmọñ. 16 Ami mma nda enye nsọk mme mbet Fo edi mmọ ikekemeke ndikọk udọñọ esie."

17 Jisọs ama ọbọrọ ete, "O mbufo mbio emana emi enanade mbuọtidem, enyuñ ekwañade ido, adaña didie ke Ami ndidu ye mbufo? Adaña didie ke Ami ndiyọ mbufo? Da enye sọk Mi." 18 Jisọs ama asua ọnọ ndedehe spirit emi ekesinede eyen oro ke idem; ndien enye ọkpọñ enye, ndien ke ndo ndo oro eyen oro ama okop nsọñidem.