1 ਦਰਬਾਨਾਂ ਦੀ ਵੰਡ:

ਕੋਰਹੀਆਂ ਵਿੱਚੋਂ:

ਕੋਰਾਹ ਦਾ ਪੁੱਤਰ ਮਸ਼ੇਲਮਯਾਹ, ਜੋ ਆਸਾਫ਼ ਦੇ ਪੁੱਤਰਾਂ ਵਿੱਚੋਂ ਇੱਕ ਸੀ। 2 ਮਸ਼ੇਲਮਯਾਹ ਦੇ ਪੁੱਤਰ ਸਨ:

ਜ਼ਕਰਯਾਹ ਜੇਠਾ, ਯਦੀਏਲ ਦੂਸਰਾ,

ਜ਼ਬਦਯਾਹ ਤੀਸਰਾ, ਯਥਨੀਏਲ ਚੌਥਾ,

3 ਏਲਾਮ ਪੰਜਵਾਂ, ਯਹੋਹਾਨਾਨ ਛੇਵਾਂ

ਅਤੇ ਅਲੀਹੋਏਨਈ ਸੱਤਵਾਂ।

4 ਓਬੇਦ-ਅਦੋਮ ਦੇ ਵੀ ਪੁੱਤਰ ਸਨ:

ਸ਼ਮਅਯਾਹ ਜੇਠਾ, ਦੂਸਰਾ ਯਹੋਜ਼ਾਬਾਦ,

ਯੋਆਹ ਤੀਸਰਾ, ਸਾਕਾਰ ਚੌਥਾ,

ਨਥਾਨੇਲ ਪੰਜਵਾਂ, 5 ਅੰਮੀਏਲ ਛੇਵਾਂ,

ਯਿੱਸਾਕਾਰ ਸੱਤਵਾਂ ਅਤੇ ਪੀਉਲੇਥਾਈ ਅੱਠਵਾਂ।

(ਕਿਉਂਕਿ ਪਰਮੇਸ਼ਵਰ ਨੇ ਓਬੇਦ-ਅਦੋਮ ਨੂੰ ਅਸੀਸ ਦਿੱਤੀ ਸੀ।)

6 ਓਬੇਦ-ਅਦੋਮ ਦੇ ਪੁੱਤਰ ਸ਼ਮਅਯਾਹ ਦੇ ਵੀ ਪੁੱਤਰ ਸਨ, ਜੋ ਆਪਣੇ ਪਿਤਾ ਦੇ ਪਰਿਵਾਰ ਵਿੱਚ ਆਗੂ ਸਨ ਕਿਉਂਕਿ ਉਹ ਬਹੁਤ ਯੋਗ ਆਦਮੀ ਸਨ। 7 ਸ਼ਮਅਯਾਹ ਦੇ ਪੁੱਤਰ:

ਓਥਨੀ, ਰਫਾਏਲ, ਓਬੇਦ ਅਤੇ ਅਲਜ਼ਾਬਾਦ;

ਉਸ ਦੇ ਰਿਸ਼ਤੇਦਾਰ ਅਲੀਹੂ ਅਤੇ ਸਮਕੀਯਾਹ ਵੀ ਯੋਗ ਆਦਮੀ ਸਨ।

8 ਇਹ ਸਭ ਓਬੇਦ-ਅਦੋਮ ਦੇ ਪੁੱਤਰਾਂ ਵਿੱਚੋਂ ਸਨ। ਇਹ ਤੇ ਉਨ੍ਹਾਂ ਦੇ ਪੁੱਤਰ ਤੇ ਉਨ੍ਹਾਂ ਦੇ ਰਿਸ਼ਤੇਦਾਰ ਸੇਵਾ ਲਈ ਬਲਵਾਨ ਤੇ ਸ਼ਕਤੀਮਾਨ ਸਨ। ਓਬੇਦ-ਅਦੋਮ ਤੋਂ 62 ਜਣੇ ਸਨ।

9 ਮਸ਼ੇਲਮਯਾਹ ਦੇ ਪੁੱਤਰ ਅਤੇ ਰਿਸ਼ਤੇਦਾਰ ਸਨ, ਜੋ ਯੋਗ ਆਦਮੀ ਸਨ ਕੁੱਲ ਮਿਲਾ ਕੇ 18 ਜਣੇ ਸਨ।

10 ਹੋਸਾਹ ਮੇਰਾਰੀ ਦੇ ਪੁੱਤਰ ਸਨ:

ਸ਼ਿਮਰੀ ਪਹਿਲਾ (ਭਾਵੇਂ ਉਹ ਜੇਠਾ ਨਹੀਂ ਸੀ, ਪਰ ਉਸਦੇ ਪਿਤਾ ਨੇ ਉਸਨੂੰ ਪਹਿਲਾ ਠਹਿਰਾਇਆ ਸੀ),

11 ਹਿਲਕੀਯਾਹ ਦੂਸਰਾ, ਤਬਲਯਾਹ ਤੀਸਰਾ

ਅਤੇ ਜ਼ਕਰਯਾਹ ਚੌਥਾ।

ਹੋਸਾਹ ਦੇ ਪੁੱਤਰ ਅਤੇ ਰਿਸ਼ਤੇਦਾਰ ਕੁੱਲ 13 ਜਣੇ ਸਨ।

12 ਇਨ੍ਹਾਂ ਵਿੱਚੋਂ ਅਰਥਾਤ ਮੁਖੀਆਂ ਵਿੱਚੋਂ ਕਈਆਂ ਨੂੰ ਦਰਬਾਨਾਂ ਦੀਆਂ ਵਾਰੀਆਂ ਮਿਲੀਆਂ ਜੋ ਉਹ ਆਪਣੇ ਭਰਾਵਾਂ ਦੇ ਬਰਾਬਰ ਚੌਂਕੀ ਦੇਣ ਅਤੇ ਯਾਹਵੇਹ ਦੇ ਭਵਨ ਵਿੱਚ ਸੇਵਾ ਕਰਨ। 13 ਅਤੇ ਉਨ੍ਹਾਂ ਨੇ ਕੀ ਨਿੱਕੇ ਕੀ ਵੱਡੇ ਆਪੋ-ਆਪਣੇ ਪਿਤਾਵਾਂ ਦੇ ਘਰਾਣਿਆਂ ਅਨੁਸਾਰ ਹਰੇਕ ਫਾਟਕ ਲਈ ਪਰਚੀਆਂ ਪਈਆਂ।

14 ਪੂਰਬੀ ਫਾਟਕ ਦੀ ਪਰਚੀ ਸ਼ਲਮਯਾਹ ਦੇ ਹਿੱਸੇ ਆਈ

ਤਦ ਉਸ ਦੇ ਪੁੱਤਰ ਜ਼ਕਰਯਾਹ ਲਈ ਜੋ ਇੱਕ ਬੁੱਧੀਮਾਨ ਸਲਾਹਕਾਰ ਸੀ, ਉਹ ਦੇ ਲਈ ਪਰਚੀਆਂ ਪਾਈਆਂ ਗਈਆਂ ਅਤੇ ਉੱਤਰੀ ਫਾਟਕ ਲਈ ਪਰਚੀ ਉਸ ਦੇ ਹਿੱਸੇ ਆਈ।

15 ਦੱਖਣ ਦੇ ਫਾਟਕ ਲਈ ਚਿੱਟਾ ਓਬੇਦ-ਅਦੋਮ ਨੂੰ ਪਿਆ ਅਤੇ ਭੰਡਾਰੇ ਦਾ ਗੁਣਾ ਉਸ ਦੇ ਪੁੱਤਰਾਂ ਨੂੰ ਪਿਆ।

16 ਸ਼ੂੂਪੀਮ ਤੇ ਹੋਸਾਹ ਲਈ ਪੱਛਮ ਦਿਸ਼ਾ ਦੀ ਸ਼ੱਲਕਥ ਦੇ ਫਾਟਕ ਦੇ ਨਾਲ ਜਿੱਥੇ ਸੜਕ ਉਤਾਹਾਂ ਨੂੰ ਜਾਂਦੀ ਹੈ।

ਇੱਕ ਪਹਿਰਾ ਦੂਸਰੇ ਪਹਿਰੇ ਦਾ ਬਰਾਬਰ ਸੀ:

17 ਚੜ੍ਹਦੀ ਵੱਲ ਛੇ ਲੇਵੀ ਸਨ, ਉੱਤਰ ਪਾਸੇ ਹਰ ਰੋਜ਼ ਚਾਰ, ਦੱਖਣ ਵੱਲ ਹਰ ਰੋਜ਼ ਚਾਰ ਅਤੇ ਭੰਡਾਰ ਦੇ ਲਈ ਦੋ-ਦੋ।

18 ਪੱਛਮ ਵੱਲ ਵਿਹੜੇ ਲਈ, ਸੜਕ ਉੱਤੇ ਚਾਰ ਅਤੇ ਵਿਹੜੇ ਵਿੱਚ ਦੋ ਸਨ।

19 ਇਹ ਦਰਬਾਨਾਂ ਦੇ ਦਲ ਸਨ ਜਿਹੜੇ ਕੋਰਾਹ ਅਤੇ ਮੇਰਾਰੀ ਦੇ ਪੁੱਤਰ ਸਨ।

20 ਉਹਨਾਂ ਦੇ ਭਰਾਂ ਲੇਵੀਆਂ ਨੂੰ ਪਰਮੇਸ਼ਵਰ ਦੇ ਭਵਨ ਦੇ ਖਜ਼ਾਨਿਆਂ ਅਤੇ ਸਮਰਪਿਤ ਵਸਤੂਆਂ ਦੇ ਖ਼ਜ਼ਾਨਿਆਂ ਦਾ ਮੁਖੀ ਬਣਾਇਆ ਗਿਆ ਸੀ।

21 ਲਾਦਾਨ ਦੇ ਪੁੱਤਰਾਂ ਦੇ ਵਿਖੇ ਲਾਦਾਨ ਗੇਰਸ਼ੋਨੀ ਦੇ ਪੁੱਤਰ ਪਿਤਾਵਾਂ ਦੇ ਘਰਾਣਿਆਂ ਦੇ ਮੁਖੀਏ ਸਨ ਤੇ ਲਾਦਾਨ ਗੇਰਸ਼ੋਨੀ ਦਾ ਪੁੱਤਰ ਯਹੀਏਲੀ ਸੀ 22 ਯਹੀਏਲੀ ਦੇ ਪੁੱਤਰ ਜ਼ੇਥਾਮ ਅਤੇ ਉਸਦਾ ਭਰਾ ਯੋਏਲ। ਉਹ ਯਾਹਵੇਹ ਦੇ ਭਵਨ ਦੇ ਖਜ਼ਾਨਿਆਂ ਦੇ ਮੁਖੀ ਸਨ।

23 ਅਮਰਾਮੀਆਂ, ਇਜ਼ਹਾਰੀਆਂ, ਹਬਰੋਨੀਆਂ ਅਤੇ ਉਜ਼ੀਏਲੀਆਂ ਵਿੱਚੋਂ:

24 ਮੋਸ਼ੇਹ ਦੇ ਪੁੱਤਰ ਗੇਰਸ਼ੋਮ ਦੇ ਪੁੱਤਰ ਸ਼ੂਬਾਏਲ ਖਜ਼ਾਨਿਆਂ ਦਾ ਅਧਿਕਾਰੀ ਸੀ। 25 ਅਲੀਅਜ਼ਰ ਦੇ ਰਾਹੀਂ ਉਸ ਦੇ ਰਿਸ਼ਤੇਦਾਰ: ਉਹ ਦਾ ਪੁੱਤਰ ਰਹਾਬਯਾਹ, ਉਹ ਦਾ ਪੁੱਤਰ ਯਸ਼ਯਾਹ, ਉਹ ਦਾ ਪੁੱਤਰ ਯਹੋਰਾਮ, ਉਹ ਦਾ ਪੁੱਤਰ ਜ਼ਿਕਰੀ ਅਤੇ ਉਹ ਦਾ ਪੁੱਤਰ ਸ਼ਲੋਮੋਥ।

26 (ਸ਼ਲੋਮੋਥ ਅਤੇ ਉਸ ਦੇ ਰਿਸ਼ਤੇਦਾਰ ਦਾਵੀਦ ਪਾਤਸ਼ਾਹ ਦੁਆਰਾ, ਹਜ਼ਾਰਾਂ ਦੇ ਸੈਨਾਪਤੀ ਅਤੇ ਸੈਂਕੜਿਆਂ ਦੇ ਸੈਨਾਪਤੀ ਅਤੇ ਹੋਰ ਫ਼ੌਜੀ ਸਰਦਾਰਾਂ ਦੇ ਘਰਾਣਿਆਂ ਦੇ ਮੁਖੀਆਂ ਦੁਆਰਾ ਸਮਰਪਿਤ ਕੀਤੀਆਂ ਚੀਜ਼ਾਂ ਦੇ ਸਾਰੇ ਖਜ਼ਾਨਿਆਂ ਦੇ ਮੁਖੀ ਸਨ। 27 ਲੜਾਈਆਂ ਦੀ ਲੁੱਟ ਵਿੱਚੋਂ ਉਨ੍ਹਾਂ ਨੇ ਪਰਮੇਸ਼ਵਰ ਦੇ ਭਵਨ ਦੇ ਉਸਾਰਨ ਲਈ ਉਨਾਂ ਨੂੰ ਅਰਪਣ ਕੀਤਾ। 28 ਅਤੇ ਸਭ ਕੁਝ ਸਮੂਏਲ ਦਰਸ਼ੀ ਅਤੇ ਕੀਸ਼ ਦੇ ਪੁੱਤਰ ਸ਼ਾਊਲ, ਨੇਰ ਦੇ ਪੁੱਤਰ ਅਬਨੇਰ ਅਤੇ ਯੋਆਬ ਦੇ ਪੁੱਤਰ ਨੇ ਸਮਰਪਿਤ ਕੀਤਾ। ਜ਼ੇਰੂਇਯਾਹ ਅਤੇ ਹੋਰ ਸਾਰੀਆਂ ਸਮਰਪਿਤ ਚੀਜ਼ਾਂ ਸ਼ਲੋਮੀਥ ਅਤੇ ਉਸਦੇ ਰਿਸ਼ਤੇਦਾਰਾਂ ਦੀ ਦੇਖਭਾਲ ਵਿੱਚ ਸਨ।)

29 ਇਜ਼ਹਾਰੀਆਂ ਵੱਲੋਂ:

ਕਨਨਯਾਹ ਅਤੇ ਉਸਦੇ ਪੁੱਤਰਾਂ ਨੂੰ ਭਵਨ ਤੋਂ ਦੂਰ ਇਸਰਾਏਲ ਦੇ ਅਧਿਕਾਰੀਆਂ ਅਤੇ ਨਿਆਂਕਾਰਾਂ ਵਜੋਂ ਕੰਮ ਸੌਂਪਿਆ ਗਿਆ ਸੀ।

30 ਹਬਰੋਨੀਆਂ ਵਿੱਚੋਂ:

ਹਸ਼ਬਯਾਹ ਤੇ ਉਹ ਦੇ ਭਰਾ ਇੱਕ ਹਜ਼ਾਰ ਸੱਤ ਸੌ ਸੂਰਮੇ ਉਨ੍ਹਾਂ ਇਸਰਾਏਲੀਆਂ ਉੱਤੇ ਜਿਹੜੇ ਯਰਦਨ ਦੇ ਪਾਰ ਪੱਛਮ ਦੀ ਵੱਲ ਸਨ ਯਾਹਵੇਹ ਦੇ ਸਾਰੇ ਕੰਮ ਅਤੇ ਪਾਤਸ਼ਾਹ ਦੀ ਸੇਵਾ ਦੇ ਲਈ ਦੇਖਭਾਲ ਕਰਦੇ ਸਨ। 31 ਜਿੱਥੋਂ ਤੱਕ ਹਬਰੋਨੀਆਂ ਲਈ, ਯਿਰਯਾਹ ਉਹਨਾਂ ਦੇ ਘਰਾਣਿਆਂ ਦੀ ਵੰਸ਼ਾਵਲੀ ਦੇ ਅਨੁਸਾਰ ਉਹਨਾਂ ਦਾ ਮੁਖੀ ਸੀ।

(ਦਾਵੀਦ ਦੇ ਰਾਜ ਦੇ ਚਾਲੀਵੇਂ ਸਾਲ ਵਿੱਚ, ਲੇਖੇ ਵਿੱਚ ਖੋਜ ਕੀਤੀ ਗਈ ਅਤੇ ਹਬਰੋਨੀਆਂ ਵਿੱਚੋਂ ਯੋਗ ਆਦਮੀ ਗਿਲਆਦ ਦੇ ਯਾਜ਼ਰ ਵਿੱਚ ਪਾਏ ਗਏ। 32 ਯਰੀਯਾਹ ਦੇ ਸਤਾਈ ਸੌ ਰਿਸ਼ਤੇਦਾਰ ਸਨ, ਜੋ ਯੋਗ ਆਦਮੀ ਅਤੇ ਪਰਿਵਾਰ ਦੇ ਮੁਖੀਏ ਸਨ ਅਤੇ ਰਾਜਾ ਦਾਵੀਦ ਨੇ ਉਹਨਾਂ ਨੂੰ ਰਊਬੇਨੀਆਂ, ਗਾਦੀਆਂ ਅਤੇ ਮਨੱਸ਼ੇਹ ਦੇ ਅੱਧੇ ਗੋਤ ਦਾ ਹਰ ਕੰਮ ਜੋ ਪਰਮੇਸ਼ਵਰ ਨਾਲ ਸੰਬੰਧਿਤ ਹੈ ਅਤੇ ਰਾਜੇ ਦੇ ਕੰਮਾਂ ਲਈ ਨਿਯੁਕਤ ਕੀਤਾ ਸੀ।)