9 యువత పవిత్ర మార్గంలో ఎలా ఉండగలరు?

మీ వాక్యాన్ని అనుసరించి జీవించడం వల్లనే.

10 నేను నా హృదయమంతటితో మిమ్మల్ని వెదకుతున్నాను;

మీ ఆజ్ఞల నుండి నన్ను తొలగిపోనివ్వకండి.

11 నేను మీకు విరోధంగా పాపం చేయకూడదని

మీ వాక్యాన్ని నా హృదయంలో దాచుకున్నాను.

12 యెహోవా, మీకు స్తుతి కలుగును గాక;

మీ శాసనాలను నాకు బోధించండి.

13 మీ నోట నుండి వచ్చే న్యాయవిధులన్నిటిని

నా పెదవులతో వివరిస్తాను.

14 ఒకడు గొప్ప ఐశ్వర్యాన్ని బట్టి సంతోషించునట్లు

నేను మీ శాసనాలను పాటించడంలో సంతోషిస్తాను.

15 మీ శాసనాలను నేను ధ్యానిస్తాను

మీ మార్గాలను పరిగణిస్తాను.

16 మీ శాసనాలను బట్టి నేను ఆనందిస్తాను;

నేను మీ వాక్యాన్ని నిర్లక్ష్యం చేయను.

ג గీమెల్