Salmos 13

సంగీత దర్శకునికి. దావీదు కీర్తన.

1 యెహోవా, ఎంతకాలం నన్ను మరచిపోతారు?

ఎంతకాలం మీ ముఖాన్ని నా నుండి దాచిపెడతారు?

2 ఎంతకాలం నా ఆలోచనలతో నేను పెనుగులాడాలి?

ఎంతకాలం నా హృదయంలో నేను దుఃఖపడాలి?

ఎంతకాలం నా శత్రువు నాపై విజయం సాధిస్తాడు?

3 యెహోవా నా దేవా, నన్ను చూసి జవాబివ్వండి,

నా కళ్లకు వెలుగివ్వండి, లేకపోతే నేను మరణంలో నిద్రపోతాను.

4 "మేము అతన్ని ఓడించాము" అని నా శత్రువులు చెప్పుకోనివ్వకండి,

నేను పడిపోయినప్పుడు నా శత్రువులను ఆనందించనివ్వకండి.

5 అయితే నేను మారని మీ ప్రేమను నమ్ముతున్నాను;

మీ రక్షణలో నా హృదయం సంతోషిస్తుంది.

6 యెహోవా నా మీద దయ చూపారు,

కాబట్టి నేను ఆయనకు స్తుతి పాడతాను.