1 నేను గొంతెత్తి యెహోవాకు ఆక్రందన చేస్తున్నాను;
దయ కోసం యెహోవాకు కంఠమెత్తి ప్రాధేయపడుతున్నాను.
2 ఆయన ఎదుట నా ఫిర్యాదు వెల్లడి చేసుకుంటాను;
నా కష్టాల గురించి ఆయనకు చెప్పుకుంటాను.
3 నా ఆత్మ నాలో సొమ్మసిల్లినప్పుడు
మీరే నా నడకను చూస్తారు.
నేను నడచే దారిలో,
శత్రువులు రహస్యంగా ఉచ్చులు ఉంచారు.
4 చూడండి, నా కుడివైపు ఎవరు లేరు;
ఎవరు నా గురించి పట్టించుకోరు
నాకు ఆశ్రయం లేదు;
ఒక్కరైన నాపై దయ చూపించరు.
5 యెహోవా, మీకు మొరపెట్టుకుంటున్నాను;
"నా ఆశ్రయం మీరే,
సజీవుల దేశంలో నా స్వాస్థ్యం మీరే" అని నేనంటాను.
1 నేను గొంతెత్తి యెహోవాకు మొరపెడుతున్నాను. ఎలుగెత్తి యెహోవాను బతిమాలుకుంటున్నాను.
2 ఆయన సన్నిధిలో దీనంగా నేను వేడుకుంటున్నాను. నాకు కలిగిన బాధలన్నిటినీ ఆయనకు మనవి చేసుకుంటున్నాను.
3 నాలో నా ప్రాణం కృంగి ఉన్నప్పుడు నా స్థితి ఏమిటో నీకు తెలుసు. నన్ను బంధించడానికి నేను నడిచే దారుల్లో శత్రువులు దొంగచాటుగా వల పన్నుతున్నారు.
4 నా కుడి పక్కన చూస్తే నన్ను ఆదరించేవాడు ఒక్కడు కూడా కనిపించలేదు. తప్పించుకునే దారి లేదు. నాప్రాణం గురించి పట్టించుకునే వాడే లేడు.
5 యెహోవా, నేను నీకే మొరపెడుతున్నాను. నన్ను ఆదుకునేది నువ్వే. సజీవులు నివసించే భూమి మీద నా భాగం నువ్వే అంటున్నాను.
+581 estão orando agora.
Junte-se à corrente de oração.